Փողոցային երաժիշտների էկվադորյան խումբը


 
  • 23:08 – Գնալու ենք ընտրությունների ու հաղթելու ենք. ցուցակը կգլխավորեմ ես. Տիգրան Ուրիխանյան 
  • 23:08 – Գնալու ենք ընտրությունների ու հաղթելու ենք. ցուցակը կգլխավորեմ ես. Տիգրան Ուրիխանյան 
  • 15:20 – Երևանը կենտրոնացած է Մոսկվայի հետ լայն և երկարաժամկետ ռազմատեխնիկական համագործակցության վրա | Նիկոլ Փաշինյան 
  • 16:30 – Ջո Բայդենը կատարեց իր խոստումը, ԱՄՆ նախագահը 1915-թ-ի իրադարձություններն անվանեց Ցեղասպանություն 
  • 10:33 – Մի քանի ժամվա ընթացքում երկրորդ երկրաշարժը գրանցվեց Երևանից քիչ հեռու 
  • 22:31 – «Զինվոր եղբայրս արգելեց փողոց դուրս գալ, ուրեմն ես․․․»․ Դերասանուհի Մարիամ Ալեքսանյանի գրառումը 

Փողոցային երաժիշտների էկվադորյան խումբը

6

Փողոցային երաժիշտների էկվադորյան խումբը արդեն քանի ամիս է, ինչ հրաշալի մթնոլորտ է ստեղծում Երևանում` փողոցներով ճեմող անցորդներին գրեթե ամեն օր ներկայանալով հոգեպարար կամ պարային(լատինո) երաժշտությամբ: Երկու ժամ ձգվող համերգները անցորդներին գրավում ու դեպ իրենց են ձգում ոչ միայն յուրօրինակ, էկզոտիկ երաժշտության, այլև` երաժիշտների  կրած հազարերանգ տարազների պատճառով: Աքաղաղի հսկա կատարի տեսքով շարված սրածայր, երկարաձիգ փետուրները երևում են շատ հեռվից:


1


«Սումակ Կույուր»: Այսպիսին է  էկվադորցիների երաժշտական խմբի անվանումը: Ներկայիս կազմը ձևավորվել է 7 ամիս առաջ: Խմբի հենասյունը 45-ամյա Ֆրանցիսկո Մարգոնադո Գուախան է, ով նախկինում միայնակ է այցելել և նվագել Հայաստանում: Նա խմբի մենեջեր Սուսաննա Առաքելյանի ամուսինն է:


Թիմի մյուս անդամներն են` 30-ամյա Ֆրանկլին Անգուայան և հասակակից Ռիչարդ Մորալեսը: Փողոցային համերգների ժամանակ  խմբի անդամներն «օգտվում» են տարբեր երկարության բազմաթիվ խողովակներ ունեցող «Սամպոնյա»  և ֆլեյտայի  նմանվող «Կենա» կոչվող գործիքների ծառայությունից: Ինկերի կողմից  օգտագործված երաժշտական  այս գործիքներն էլ ունկնդիրների համար հուզական երաժշտություն  են ապահովում: Երևանում խմբի անդամներին ճանաչում են որպես «հնդկացիների»: Նրանց տարազներն, իսկապես, հնագույն ժամանակների հնդկացի զինվորների հագուստի է նմանեցված ( կենդանիների՝ գայլ, արջ և այլն, հազար ու մի փոքր ոսկորներով ու իսկական ատամներով է համալրված հագուստը): Փասիանների փետուրներով և տարատեսակ կենդանիների նկարներով են զարդարված տարազները, որոնց նշանագիտական վերլուծության համար առանձին հոդված կպահանջվի:


3


Այնուհանդերձ, ուշարժան մի փաստի չանդրադառնալ չենք կարող: Երաժիշտները նշում են , որ հնում փետուրների քանակն ուղիղ համեմատական է եղել զինվորի սխրագործությունների քանակին: Խումբը նվագում է հանգիստ, մեդիտացիոն, ազգային կամ պարային երաժշտություն: Համերգների ժամանակ օգտագործում են բարձրախոսներ: Թեև սիրողական երաժիշտներ են, բայց բավական հմուտ և համաչափ են կատարում հատկապես պարային համարները: Համերգներ են տվել Ռուսաստանում, Թուրքիայում, Վրաստանում, Եվրոպայում: Մինչ ապրիլի սկիզբ դեռ Երևանում են լինելու, որից հետո մեկնելու են Իրան:


4


«Սումակ Կույուրին» լսելու համար հարկավոր է շաբաթ կամ կիրակի օրերին կեսօրից հետո այցելել «Վերնիսաժի» հարևանությամբ գտնվող պուրակ: Խումբը հանդես է գալիս` Գարեգին Նժդեհի արձանի հարևանությամբ: Այլ օրերին էկվադորցի երաժիշտներին կարելի է հանդիպել Հյուսիսային պողոտայում կամ Գայի (Հայկ Բժշկյանց) հուշարձանի մոտ:Էկվադորցի երաժիշտների համար Հայաստանում ամենատհաճ դեպքերը կապված են ոստիկանների հետ:


5


Ֆրանցիսկո Մարգոնադո Գուախան նշում է, որ իրենց շրջագայած ոչ մի երկրում ոստիկանները համերգների  ժամանակ արգելք չեն հանդիսացել: «Մեզ թույլ չէին տալիս տեխնիկայով փոքր համերգներ կազմակերպել փողոցում, մինչդեռ մենք որևէ մեկին չէինք խանգարում կամ վնասում: Մենք նույնիսկ գումար չենք խնդրում մարդկանցից, գումար տալ-չտալը՝ յուրաքանչյուրի ցանկությունն է: Սակայն չի կարելի չնշել ժողովրդի ջերմ վերաբերմունքը, ժպիտները, որ տեսնում ենք ամեն անգամ», – պատմում է էկվադորցի երաժիշտը:


Խումբը Հայաստանում համերգներով հանդես է գալիս ոչ միայն Երևանում: Նրանք արդեն այցելել են Գյումրի, Սևան, Ստեփանակերտ: Նվագում են նաև տարբեր ռեստորաններում և միջոցառումների ժամանակ: Փողոցային համերգների ընթացքում ամենաշատը երեխաներն են ուրախանում, որոնք անդադար պարում են հեռուներում ստեղծված, բայց ջերմությամբ լեցուն երաժշտության ներքո: Երաժիշտները նշում են, որ հայերը և էկվադորցիները նման են, իսկ այստեղ իրենց ստացած դրական էներգիան այն գրավականն է, որ հետագայում միանշանակ վերադառնալու են Հայաստան:


Գարեգին Ալեքսանյան 


хорошие новости дня новости кавказа бесплатно

Աղբյուր: //FMG.NEWS

  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

  • Կիսվեք Ձեր ընկերների հետ

  • Դիտումների քանակ այսօր: 380


    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    FOCUS IP TV - LIVE
    ԳՈՎԱԶԴ ՀԱՅԱՍՏԱՆՈՒՄ +37491 75 00 75 (Ռադիո, հեռուստատեսություն, ինտերնետ, մամուլ ...) FOCUS MEDIA GROUP
    • Այսօր
    • Թոփ 10
    • Կարդում են
    СЛУШАТЬ РАДИО գովազդ ռադիոկայաններում
    Հայաստանը այսօր
    Սոցիալական ցանցեր
    • Facebook
    • Вконтакте
    • Twitter
    Սպասվող իրադարձություններ
    СЛУШАТЬ РАДИО գովազդ ռադիոկայաններում
    Իմ առողջությունը
    Ժամանց
    բոլոր նորությունները →
    Օպերատիվ ամփոփագիր
    բոլոր նորությունները →
    v