• 13:01 – Տեսանյութ. Քայլերս անում եմ գիտակցված. չփորձեն ինձ ներքաշել կեղտոտ խաղերի մեջ,ինձ կապել Միքայել Մինասյանի հետ 
  • 14:00 – Արթուր Վանեցյանը՝ իր և Գագիկ Ծառուկյանի հանդիպման վերաբերյալ լուրերի մասին 
  • 17:30 – Գյումրիի քաղաքապետը ներկայացրեց փողոցաշինության աշխատանքների ընթացքը 
  • 09:00 – Քոչարյանի աջակիցները ծեծելով կոտրել են քաղաքացու ոտքը. 
  • 13:05 – 18-ամյա աղջիկը մահացել է նարկոզից.հարուցվել է քրեական գործ 
  • 14:18 – Արմեն Ջիգարխանյանն այժմ բացարձակ երջանիկ է.միացել է նախկին կնոջ հետ 

Սահմանադրության ո՞ր դրույթներն են բացառելու հովանավորչությունն ու կոռուպցիան. Ն. Փաշինյան (տեսանյութ)

ԱԺ-ում այսօր հարց ուղղելով Սերժ Սարգսյանի լիազոր ներկայացուցիչ Վարդան Պողոսյանին՝ ՀԱԿ պատգամավոր Նիկոլ Փաշինյանը ներկայացրեց իրականությունից մի քանի դրվագ, թե դրանք որքանով են կապվում Սահմանադրական փոփոխությունների նախագծի հետ. «Օրինակ՝ Սյունիքի մարզպետ Սուրիկ Խաչատրյանը մարդ է սպանել իր տան մոտ ու դատախազ Գեւորգ Կոստանյանը կոպիտ ձեւով կոծկել է այն, իսկ կարճ ժամանակ անց  Սերժ Սարգսյանի կողմից նա առաջադրվել է որպես ՀՀ գլխավոր դատախազ: Դա չխանգարեց նաեւ, որ Սուրիկ Խաչատրյանը դառնա Սյունիքի մարզպետ եւ հայտարարագրի քսան մլն դոլար».:

Նիկոլ Փաշինյանը հիշեցրեց նաեւ Ֆուտբոլի ֆեդերացիայի Ռուբեն Հայրապետյանի հետ կապված դրվագը, երբ նա բոլորի աչքի առաջ ծեծի ենթարկեց «Էյր Արմենիա» ընկերության տնօրեն Արսեն Ավետիսյանին. «Գործը կոծկվել է ու քրեական գործ չի հարուցվել»: Պատգամավորը ներկայացրեց նաեւ վարչապետ Հովիկ Աբրահամյանի տնտեսական չարաշահումները, Ֆինանսների նախարար Գագիկ Խաչատրյանի բիզնեսները. «Նա բացառապես եղել է պետական պաշտոնյա, նա ՀՀ ամենահարուստ ընտանիքներից մեկն է: Հիմա կարո՞ղ եք ասել՝ գործող Սահմանադրության ո՞ր դրույթն է հնարավոր դարձրել այս հովանավորչությունը, կոռուպցիայի հնարավորությունը եւ նոր Սահմանադրության ո՞ր դրույթներն են դրանք բացառելու»:

 

«Ես կարծում էի, որ դուք չեք ակնկալելու պատասխան, քանի որ այն, ինչ ասացիք, նախագծի հետ կապ չուներ»,- ակնարկեց ԱԺ նախագահ Գալուստ Սահակյանը:

Վարդան Պողոսյանը պատասխանելով ասաց, որ որեւէ Սահմանադրություն չի կարող բացառել նման երեւույթները. «Սահմանադրությունները կյանքի են կոչվում մարդկանց միջոցով ու ավելի մեծ հնարավորություն ունեն, եթե դրանք նախատեսում են հավասարակշռված իշխանական համակարգ, երբ որեւէ մեկը մյուսի նկատմամբ գերակայություն չունի ու դատական իշխանության միջոցով բոլոր չարաշահումները վեր են հանվում: Մենք պետականության ստեղծումից ի վեր դեռ չունենք արդարադատության համապատասխան մակարդակ, որ բավարարի հանրությանը»:

 

Ըստ նրա՝ որքան քաղաքական գործընթացները թափանցիկ են ու մեծ է հաշվետվողականությունը, այնքան մեծանում են հնարավորությունները, որ պատգամավորի բարձրացրած հիմնախնդիրները քչանան ու այլեւս գոյություն չունենան. «Սահմանադրությունն ավելին չի կարող անել»: Նիկոլ Փաշինյանը կառչեց Վարդան Պողոսյանի արտահայտած այն մտքին, թե  Սահմանադրությունները կյանքի են կոչվում մարդկանց միջոցով. «Դուք այդպիսով հիմնավորեցիք այն տեսակետը, որ Սահմանադրությունը փոխելուց առաջ պետք է փոխել այն մարդկանց, որոնք փոխում են Սահմանադրությունը, քանի որ այն մարդիկ, որոնք ոտի տակ են տալիս գործող Սահմանադրությունը, նրանց ոչինչ չի խանգարի ոտի տակ տալ այս մեկը: Դուք նաեւ անընդհատ շեշտում եք, թե կախվածության որոշակի տոկոս ունի դատական իշխանությունը, կասե՞ք՝ այդ լծակներն ում ձեռքին են»:

 

Ի պատասխան Վարդան Պողոսյանն ասաց. «Ուրույն մեկնաբանություն արեցիք իմ ասած մտքին, սակայն բարեխիղճ լինելու համար պետք է ասեիք, որ ասացի՝ Սահմանադրությունը նաեւ չպետք է թույլ տա, որ այդ չարաշահումները տեղի ունենան: Արդարադատության հետ կապված կարող եմ ասել, որ 2005թ. սահմանադրական փոփոխություններից հետո լուրջ տեղաշարժեր են տեղի ունեցել»:

«Ի տարբերություն իր հայտարարություններին, պարոն Փաշինյանը մասնակցեց Սահմանադրության քննարկումներին, թեեւ մի քիչ պրովոկացիոն էր»,- փորձեց կատակել Գալուստ Սահակյանը: Իսկ ՕԵԿ խմբակցության ղեկավար Հեղինե Բիշարյանն էլ, հարց տալուց առաջ, նկատեց. «Սահմանադրությունը բորոտ հիվանդությամբ չի տառապում, որ մոտ չգանք իրեն»:

хорошие новости дня новости кавказа бесплатно



  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

  • Կիսվեք Ձեր ընկերների հետ

  • Դիտումների քանակ այսօր: 679


    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    FOCUS IP TV - LIVE
    ԳՈՎԱԶԴ ՀԱՅԱՍՏԱՆՈՒՄ +37491 75 00 75 (Ռադիո, հեռուստատեսություն, ինտերնետ, մամուլ ...) FOCUS MEDIA GROUP
    • Այսօր
    • Թոփ 10
    • Կարդում են
    СЛУШАТЬ РАДИО գովազդ ռադիոկայաններում
    Հայաստանը այսօր
    Սոցիալական ցանցեր
    • Facebook
    • Вконтакте
    • Twitter
    [aviable=main]
    Սպասվող իրադարձություններ
    СЛУШАТЬ РАДИО գովազդ ռադիոկայաններում
    Իմ առողջությունը
    Ժամանց
    բոլոր նորությունները →
    Օպերատիվ ամփոփագիր
    բոլոր նորությունները →