«Ինձ անձամբ Լենա Նազարյանն ու Ալեն Սիմոնյանն էին խնդրել, որ ես գնամ ու հանրահավաքին ելույթ ունենամ». Զարուհի Փոստանջյան » Նորություններ ամեն ժամ | Նորություններ Կովկասից | Հայաստան, Արցախ, Վրաստան, Ադրբեջան, Թուրքիա և Իրան


 
  • 23:08 – Գնալու ենք ընտրությունների ու հաղթելու ենք. ցուցակը կգլխավորեմ ես. Տիգրան Ուրիխանյան 
  • 23:08 – Գնալու ենք ընտրությունների ու հաղթելու ենք. ցուցակը կգլխավորեմ ես. Տիգրան Ուրիխանյան 
  • 15:20 – Երևանը կենտրոնացած է Մոսկվայի հետ լայն և երկարաժամկետ ռազմատեխնիկական համագործակցության վրա | Նիկոլ Փաշինյան 
  • 16:30 – Ջո Բայդենը կատարեց իր խոստումը, ԱՄՆ նախագահը 1915-թ-ի իրադարձություններն անվանեց Ցեղասպանություն 
  • 10:33 – Մի քանի ժամվա ընթացքում երկրորդ երկրաշարժը գրանցվեց Երևանից քիչ հեռու 
  • 22:31 – «Զինվոր եղբայրս արգելեց փողոց դուրս գալ, ուրեմն ես․․․»․ Դերասանուհի Մարիամ Ալեքսանյանի գրառումը 

«Ինձ անձամբ Լենա Նազարյանն ու Ալեն Սիմոնյանն էին խնդրել, որ ես գնամ ու հանրահավաքին ելույթ ունենամ». Զարուհի Փոստանջյան

«Ինձ անձամբ Լենա Նազարյանն ու Ալեն Սիմոնյանն էին խնդրել, որ ես գնամ ու հանրահավաքին ելույթ ունենամ». այս մասին երեկ՝ Անժելա Թովմասյանի հեղինակային «Հայելու առաջ» հաղորդման ժամանակ հայտարարեց «Երկիր Ծիրանի» կուսակցության նախագահ Զարուհի Փոստանջյանը՝ պատասխանելով այն հարցին, թե արդյո՞ք հեղափոխական հարթակի՝ իրեն մերժելու պատճառով չէ իր այսօրվա նեղացած կեցվածքը։


«Այդ օրը Նիկոլ Փաշինյանը,չգիտեմ, ձերբակալված էր, թե արդեն հատուկ պայմանավորվածության ներքո տեղափոխել էին ինչ-որ մի վայր, որովհետև ակնհայտ էր իր կնոջ վարքագծից, որ ամեն ինչ երաշխավորված է, ինքն ամեն ինչի կազմակերպիչն էր ու շատ երջանիկ էր, որովհետև գիտեր, որ նա շուտով կմիանա իրեն»,-մասնավորապես նշեց Զ. Փոստանջյանը։


Նա հավելեց նաև, որ այդ ժամանակ, փաստորեն, իրենք ունեին իրենց ծրագիրը, և այն, ինչ հիմա է կատարվում, այդ բոլոր ձերբակալություն-բացթողումները սոսկ բեմականացում են։


«Դուք գիտեք, որ ես մշտապես իմ կարծիքը հայտնել եմ «Ելք» դաշինքի վերաբերյալ և ասել եմ, որ դա Բաղրամյան 26-ի պրոյեկտն է, և դա այդպես է, քանի որ 2015թ. սահմանադրական փոփոխությունները համարելով՝ կեղծ օրակարգ՝ Նիկոլ Փաշինյանը, փաստորեն, օգնեց այդ ավտորիտարիզմի հաստատմանը։ Հետագայում նրանք անցան Խորհրդարան ու չվիճարկեցին ընտրությունների արդյունքները ու համաձայնեցին այդ խաղի կանոններով աշխատել»,-իր պնդման հիմքերը ներկայացրեց «Երկիր Ծիրանի» կուսակցության նախագահը։


Ըստ Զարուհի Փոստանջյանի՝ Նիկոլ Փաշինյանը ժամանակավոր գործիք է սոսկ, և ամեն ինչ ընթանում է Սերժ Սարգսյանի սցենարով։


«Հունան Պողոսյանին ես չեմ նշանակել, Կամո Արեյանին ես չեմ նշանակել,Ֆելիքս Ցոլակյանին ես չեմ նշանակել, Արզուման Հարությունյանին, Վալերի Օսիպյանին ես չեմ նշանակել։ Նրանք բոլորը Սերժ Սարգսյանի մերձավոր շրջապատն են։ Եղել է ավտորիտարիզմի թարմացում։ Բացի դրանից, հներից ազատվելու խնդիր կար, որը Սերժ Սարգսյանն անձամբ չէր կարող անել, և հիմա ամեն ինչ արվում է, որ Հանրապետական կուսակցությունն անցնի Խորդհրդարան»,-հավելեց Զ. Փոստանջյանը։


Երևանի ավագանու նախկին անդամը կարծում է, որ Սերժ Սարգսյանը խնդիր ուներ չեղարկելու հողերի հանձնումը, քանի որ այստեղ նույնպես կար աշխարհաքաղաքական օրակարգ, որը տարածվում էր նաև Հայաստանի վրա։


«Իրականում իշխանությունը հանձնելու 3 պատճառ կար։ Մեկը Կարեն Կարապետյանի չեզոքացումն էր, որպեսզի հնարավորություններ ստեղծի իշխանությունն իր ժառանգորդին ավելի դյուրին հանձնելու համար, երկրորդը իր պարտավորություններն էին, որը նա ստանձնել էր հողերը հանձնելու վերաբերյալ և այդ կերպ նաև խուսափեց դրանից, և երրորդը՝ արտաքին պարտքի և բյուջեի հավաքագրումների հետ կապված խայտառակ վիճակը։ Այս երեք հարցերը նա չէր կարողանում լուծել, և որոշեցին այսպիսի միջանկյալ լուծմամբ շրջանցել դրանք, բայց միևնույն է, այս խնդիրներն այսօր էլ օրակարգում առկա են»,-շեշտեց Զ. Փոստանջյանը։


Լրագրողի այն հարցին, թե եթե սա միջանկյալ լուծում է ապա ինչպե՞ս է Զ. Փոստանջյանը պատկերացնում, որ Նիկոլ Փաշինյանի ձեռքից այսքան բարձր հանրային ընկալման պարագայում հնարավոր է իշխանությունը հետ վերցնել, վերջինս պատասխանեց, որ այդ իշխանությունը տեր ունի. ինչպես տվել են, այնպես էլ կվերցնեն։


«Մեկ օրվա մեջ Կարեն Կարապետյանին մերժված սարքեցին։ Բոլորի նկատմամբ կան դոսյեներ, որոնք անհրաժեշտ դեպքում կօգտագործվեն։ Ես հենց այնպես չհիշատակեցի Արզուման Հարությունյանի անունը»,-եզրափակեց Զարուհի Փոստանջյանը։

хорошие новости дня новости кавказа бесплатно



  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

  • Կիսվեք Ձեր ընկերների հետ

  • Դիտումների քանակ այսօր: 259


    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    FOCUS IP TV - LIVE
    ԳՈՎԱԶԴ ՀԱՅԱՍՏԱՆՈՒՄ +37491 75 00 75 (Ռադիո, հեռուստատեսություն, ինտերնետ, մամուլ ...) FOCUS MEDIA GROUP
    • Այսօր
    • Թոփ 10
    • Կարդում են
    СЛУШАТЬ РАДИО գովազդ ռադիոկայաններում
    Հայաստանը այսօր
    Սոցիալական ցանցեր
    • Facebook
    • Вконтакте
    • Twitter
    Սպասվող իրադարձություններ
    СЛУШАТЬ РАДИО գովազդ ռադիոկայաններում
    Իմ առողջությունը
    Ժամանց
    բոլոր նորությունները →
    Օպերատիվ ամփոփագիր
    բոլոր նորությունները →
    v