ՀՀ ղեկավարությանը մնում է մի ելք` անձամբ Վլադիմիր Պուտինից «կորզել» գազի սակագնի նվազեցման թույլտվություն » Նորություններ ամեն ժամ | Նորություններ Կովկասից | Հայաստան, Արցախ, Վրաստան, Ադրբեջան, Թուրքիա և Իրան


 
  • 23:08 – Գնալու ենք ընտրությունների ու հաղթելու ենք. ցուցակը կգլխավորեմ ես. Տիգրան Ուրիխանյան 
  • 23:08 – Գնալու ենք ընտրությունների ու հաղթելու ենք. ցուցակը կգլխավորեմ ես. Տիգրան Ուրիխանյան 
  • 15:20 – Երևանը կենտրոնացած է Մոսկվայի հետ լայն և երկարաժամկետ ռազմատեխնիկական համագործակցության վրա | Նիկոլ Փաշինյան 
  • 16:30 – Ջո Բայդենը կատարեց իր խոստումը, ԱՄՆ նախագահը 1915-թ-ի իրադարձություններն անվանեց Ցեղասպանություն 
  • 10:33 – Մի քանի ժամվա ընթացքում երկրորդ երկրաշարժը գրանցվեց Երևանից քիչ հեռու 
  • 22:31 – «Զինվոր եղբայրս արգելեց փողոց դուրս գալ, ուրեմն ես․․․»․ Դերասանուհի Մարիամ Ալեքսանյանի գրառումը 

ՀՀ ղեկավարությանը մնում է մի ելք` անձամբ Վլադիմիր Պուտինից «կորզել» գազի սակագնի նվազեցման թույլտվություն

«Իրատեսը» գրում է.


«Գազի և էլեկտրաէներգիայի սակագնի նվազեցման մասին իշխանափոխությունից հետո հաճախ են խոսում, բայց գործնականում իրավիճակը դեռ նույնն է։ Առաջինը վարչապետի պաշտոնակատար Նիկոլ Փաշինյանը հայտարարեց, որ ՌԴ նախագահ Վլադիմիր Պուտինի հետ քննարկել են գազի սակագնի հարցը։ Փաշինյանն այնուհետև տեղեկացրեց, որ անգամ Վլադիմիր Պուտինն է զարմացել, որ Հայաստանում սպառողներն այդքան թանկ են վճարում գազի դիմաց։


Ըստ Փաշինյանի՝ առաջարկվել է ուսումնասիրել գազի գնի գոյացման մեխանիզմները, սակայն առայժմ ոչ մի պաշտոնական տեսակետ չի հնչել։ Միայն երեկ էներգետիկ ենթակառույցների և բնական պաշարների նախարարի պաշտոնակատար Գարեգին Բաղրամյանը հայտարարեց, որ «Գազպրոմ» ընկերության և Ռուսաստանի էներգետիկայի նախարարության հետ բանակցում են գազի սակագնի նվազեցման ուղղությամբ։ Սակայն հասարակությանը դեռ չի ներկայացվում, թե Հայաստանի կառավարության ուսումնասիրությունն ինչ է ջրի երես հանել, ինչու է նախորդ իշխանությունը սահմանել նման բարձր սակագին, եթե հնարավոր է սպառողին ավելի էժան գազ մատակարարել, ինչի մասին մշտապես փաստում էին հայ տնտեսագետները։


Իհարկե, բացի տնտեսական գործառույթ իրականացնելուց, «Գազպրոմը» իրականում շատ ավելի զբաղված է քաղաքականությամբ։ Այնպես որ, այս թեմայի շուրջ ցանկացած քննարկում, ուսումնասիրություն ու պայմանավորվածություն տեղավորվելու է նաև քաղաքական հարթությունում։ Նկատենք` «Գազպրոմից» վստահեցնում են, որ գազի գնի իջեցումն անհնար է, քանզի համակարգում դա կհանգեցնի ցնցումների։ Ասել է` այս ընկերությունը հակված չէ նվազեցնելու գազի սակագինը, իսկ սա նշանակում է, որ կարող է «ավելի լավ» հիմնավորում ներկայացնել Վլադիմիր Պուտինին, քան հայրենի կառավարության անդամները։ Իրականում այնպես չէ, որ Ռուսաստանում չգիտեին, թե Հայաստանում գազի ինչ սակագին է գործում, ու դա որքանով է իրենց ձեռնտու։


Հիշեցնենք, որ անգամ ԱԺ-ում համապատասխան հանձնաժողով ստեղծվեց` ՀՀ գազի և էլեկտրաէներգիայի մատակարարման և բաշխման համակարգերի գործունեությունը, գազի և էլեկտրաէներգիայի գործող սակագների հիմնավորվածությունը քննելու նպատակով։ Հանձնաժողովը ղեկավարում է Միքայել Մելքումյանը, որը երեկ լրագրողների հետ զրույցում հայտարարել է, թե երկու սակագին կարելի է ունենալ, պետք է դիտարկել նաև, թե գազի էժանացումն ինչպես կազդի բիզնեսի վրա։


Այնպես որ, Հայաստանի ղեկավարությանը մնում է մի ելք` անձամբ Վլադիմիր Պուտինից «կորզել» գազի սակագնի նվազեցման թույլտվություն, որը հաստատապես տնտեսական գործարքի շրջանակում չէ»,-գրում է թերթը:


Նյութն ամբողջությամբ կարդացեք թերթի այսօրվա համարում:

 

хорошие новости дня новости кавказа бесплатно



  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

  • Կիսվեք Ձեր ընկերների հետ

  • Դիտումների քանակ այսօր: 168


    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    FOCUS IP TV - LIVE
    ԳՈՎԱԶԴ ՀԱՅԱՍՏԱՆՈՒՄ +37491 75 00 75 (Ռադիո, հեռուստատեսություն, ինտերնետ, մամուլ ...) FOCUS MEDIA GROUP
    • Այսօր
    • Թոփ 10
    • Կարդում են
    СЛУШАТЬ РАДИО գովազդ ռադիոկայաններում
    Հայաստանը այսօր
    Սոցիալական ցանցեր
    • Facebook
    • Вконтакте
    • Twitter
    Սպասվող իրադարձություններ
    СЛУШАТЬ РАДИО գովազդ ռադիոկայաններում
    Իմ առողջությունը
    Ժամանց
    բոլոր նորությունները →
    Օպերատիվ ամփոփագիր
    բոլոր նորությունները →
    v