Հեղափոխության վրա մեծապես ազդել են նաև ԼԳԲՏԻ մարդիկ. Նվարդ Մարգարյան » Նորություններ ամեն ժամ | Նորություններ Կովկասից | Հայաստան, Արցախ, Վրաստան, Ադրբեջան, Թուրքիա և Իրան


 
  • 21:30 – Քննարկվել է ֆիզիկական անձանց եկամուտների համընդհանուր հայտարարագրման համակարգի ներդրման հարցը 
  • 21:30 – Քննարկվել է ֆիզիկական անձանց եկամուտների համընդհանուր հայտարարագրման համակարգի ներդրման հարցը 
  • 15:20 – Երևանը կենտրոնացած է Մոսկվայի հետ լայն և երկարաժամկետ ռազմատեխնիկական համագործակցության վրա | Նիկոլ Փաշինյան 
  • 20:57 – «#ինձհետ» էկո արշավ 
  • 23:34 – Մանվել Գրիգորյանի որդին Փաշինյանի հասցեին վիրավորական գրառում է արել.Ձեռնարկվում են միջոցառումներ նրան հայտնաբերելու ուղղությամբ 
  • 16:35 – Մարդն այսօր արդեն կարող է ապրել մոտ 130 տարի,մարդու համար սկզբունքորեն կյանքի տևողության սահմանափակում գոյություն չունի 

Հեղափոխության վրա մեծապես ազդել են նաև ԼԳԲՏԻ մարդիկ. Նվարդ Մարգարյան












Հոմոֆոբիայի, տրանսֆոբիայի, բիֆոբիայի դեմ պայքարի միջազգային օրվա կապակցությամբ LGBTnews-ը զրուցել է Pink Armenia հասարակական կազմակերպության նախագահ Նվարդ Մարգարյանի հետ։ 


֊ Նվա՛րդ, Հայաստանում կտրուկ փոխվել է հասարակական֊քաղաքական իրադրությունը, և IDAHOT֊ի այս օրն առիթ է՝ խոսելու այն մասին, թե ինչպիսի հեռանկարներ են բացվում նոր իրավիճակում ԼԳԲՏԻ մարդկանց իրավունքների իրացման առումով։






֊ Նախ նշեմ, որ Հայաստանում հասարակական-քաղաքական իրադրության փոփոխության վրա մեծապես ազդել են նաև ԼԳԲՏԻ մարդիկ, ովքեր պայքարի առաջին իսկ օրվանից եղել են առաջնագծում։ Այսինքն՝ կարող ենք փաստել, որ սիրո և համերաշխության հեղափոխության հաղթանակը նաև ԼԳԲՏԻ անձանց հաղթանակն է։ Ավելին՝ նոր կառավարության ներկայացուցիչներն իրենց ելույթներում բազմիցս անդրադարձել են մարդու իրավունքների պաշտպանության, սահմանադրական կարգի վերականգնման, օրենքի առջև բոլորի հավասարության և իրավունքի գերակայության սկզբունքների մասին, ինչը, իրավամբ, հնարավորություններ է բացում Հայաստանի բոլոր խոցելի խմբերի ներկայացուցիչների և նախորդ իշխանությունների կողմից ճնշված խմբերի համար՝ իրացնելու իրենց իրավունքները հավասար պայմաններում, քանզի յուրաքանչյուր ոք Հայաստանում պետք է երջանիկ լինի։














 ֊ Ձեր կազմակերպությունն այս նոր իրավիճակում ի՞նչ նոր հնարավորություններ է տեսնում։
















֊ Մենք հուսով ենք, որ նախ կվերականգնվի արդար դատաքննության իրավունքի իրացումը մեր երկրում և դատարանները կլինեն ավելի անկախ ու մատչելի։ Մյուս կողմից մենք հուսով ենք, որ նոր կառավարությունն ավելի զգայուն կգտնվի ԼԳԲՏԻ անձանց իրավունքների պաշտպանության հարցում և մարդու իրավունքների հարցը կպահի օրակարգում։ 




























 ֊ Երեկ հրապարակվել է Rainbow Europe֊ի ինդեքսը, որում Հայաստանը եվրոպական պետությունների շարքում ԼԳԲՏԻ մարդկանց իրավունքների իրացման հնարավորությունների առումով վերջից երկրորդ տեղում է՝ մրցելով Ադրբեջանի հետ։ Ինչի՞ վկայությունն է սա։
























֊ Այն ամփոփում է Եվրոպայի Խորհրդի անդամ երկրներում ԼԳԲՏԻ անձանց իրավունքների պաշտպանությանն առնչվող օրենքներում և քաղաքականություններում իրավիճակը։ Հայաստանի՝ վերջից երկրորդ տեղում լինելը, իհարկե, խնդրահարույց է եւ արձանագրում է, որ Հայաստանի Հանրապետությունը ոչ մի քայլ չի ձեռնարկել բարելավելու ԼԳԲՏԻ անձնաց իրավունքների իրադրությունը մեր երկրում։ Ավելին՝ վիժեցնում է ցանկացած օրեսդրական նախաձեռնություն և քաղաքականության առաջարկ, որոնք կարող են բարելավել այդ իրադրությունը։ Սա մտահոգիչ է, և մենք հուսով ենք, որ առաջիկա տարիներին Հայաստանը կբարելավի իր տեղը այդ ցանկում։








Ամբողջական նյութը այստեղ



Ի դեպք պետք է նկատել, որ օրերս ֆեյսբուք սոցիալական ցանցում տարածվել էր մի լուսանկար, որում վարչապետ Փաշինյանի դիմանկարն էր ԼԳԲՏ համայնքի դրոշի ֆոնին: Այս լուսանկարը մեծ աղմուկ բարձրացրեց և համացանցում ակտիվ հոմոֆոբ զանգվածը ամենախիստ ձևով քննադատեց այն, համարելով այն սադրանք նոր կառավարության դեմ:




хорошие новости дня новости кавказа бесплатно



  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

  • Կիսվեք Ձեր ընկերների հետ

  • Դիտումների քանակ այսօր: 255


    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    Breaking News
    FOCUS IP TV - LIVE
    ADVERTISING IN ARMENIA +37491 75 00 75 (Radio, television, internet, press, SMM, Outdoor ...) FOCUS MEDIA GROUP
    СЛУШАТЬ РАДИО գովազդ ռադիոկայաններում
    Armenia Today
    Սոցիալական ցանցեր
    • Facebook
    • Вконтакте
    • Twitter
    Artsakh Today
    СЛУШАТЬ РАДИО գովազդ ռադիոկայաններում
    Economy & Business
    Ժամանց
    բոլոր նորությունները →
    Օպերատիվ ամփոփագիր
    բոլոր նորությունները →
    v