«Զոն նայողները» անձեռնմխելի են նաև Նոր Հայաստանում. ՀՔԱ Վանաձորի գրասենյակ » Նորություններ ամեն ժամ | Նորություններ Կովկասից | Հայաստան, Արցախ, Վրաստան, Ադրբեջան, Թուրքիա և Իրան


 
  • 14:42 – Իրանը պետք է Հայաստանին ռազմական աջակցություն ցուցաբերի անհրաժեշտության դեպքում. իրանցի փորձագետ 
  • 11:14 – Մոսկվայում հայ կինը ծեծի է ենթարկել 3 հարբած ադրբեջանցի տղամարդկանց՝ եռագույնը ծաղրելու համար 
  • 15:20 – Երևանը կենտրոնացած է Մոսկվայի հետ լայն և երկարաժամկետ ռազմատեխնիկական համագործակցության վրա | Նիկոլ Փաշինյան 
  • 10:32 – Ոչնչով չեմ կարող օգնել նրան․ Կրուտոյը կոչ է արել աղոթել ծանր հիվանդ Սերովի համար 
  • 23:34 – Մանվել Գրիգորյանի որդին Փաշինյանի հասցեին վիրավորական գրառում է արել.Ձեռնարկվում են միջոցառումներ նրան հայտնաբերելու ուղղությամբ 
  • 16:35 – Մարդն այսօր արդեն կարող է ապրել մոտ 130 տարի,մարդու համար սկզբունքորեն կյանքի տևողության սահմանափակում գոյություն չունի 

«Զոն նայողները» անձեռնմխելի են նաև Նոր Հայաստանում. ՀՔԱ Վանաձորի գրասենյակ

«Հրազդան» ՔԿՀ դատապարտյալներ Դ. Խ.-ի ու նրա խցակից Գ. Ա.-ի միջև լարված հարաբերությունները 2017 թ. հունիսի 25-ին վերաճել են վիճաբանության, որը ՔԿՀ աշխատակիցների կողմից հարթվելու փոխարեն «հարթվել է» ՔԿՀ-ում հեղինակություն ունեցող, դատապարտյալների բնորոշմամբ՝ «զոն նայող» Անդրանիկ Հայրապետյանի և նրա համախոհների միջոցով:


Դեպքի առթիվ հարուցված քրեական գործի շրջանակում մեղադրանք է առաջադրվել վիճաբանած երկու դատապարտյալներին:


Ներկայացնում ենք մեղադրական եզրակացությունից ուշագրավ հատվածներ:


Ինչպես նկատում ենք 2018 թ. մայիսի 29-ին կազմված մեղադրական եզրակացությունից, դատապարտյալները մշտապես լարված հարաբերություններ են ունեցել, քանի որ Դ. Խ.-ն Գ. Ա.-ին մշտապես առաջարկել է զբաղվել թղթախաղով, սակայն մերժում է ստացել: Հերթական նման միջադեպն էլ վերաճել է վիճաբանության:


Ավելի վաղ, ստեղծված իրավիճակով պայմանավորված, Գ. Ա.-ն դիմել է ՔԿՀ ղեկավարությանը՝ այլ խուց տեղափոխվելու հարցով, սակայն ղեկավարության հորդորով խնդրել է կասեցնել դիմումի ընթացքը և ստիպված շարունակել է բնակվել Դ. Խ.-ի հետ նույն խցում: Վիճաբանության  օրն էլ, մեղադրական եզրակացության համաձայն, առաջինը խուց մտել են ՔԿՀ աշխատակիցները, սակայն ոչինչ չեն ձեռնարկել մինչև քրեական հեղինակություն Ա. Հայրապետյանի հայտնվելը: Վերջինս ՔԿՀ ծառայողներին հորդորել է հեռանալ՝ պնդելով, որ «ինքնուրույն կզբաղվի խնդրով»:


Ա. Հայրապետյանը ոչ միայն ստանձնել է «խնդիրը լուծելու» լիազորությունը, այլև փորձել է  այն լուծել իր հետ մտերիմ հարաբերություններ ունեցող Դ. Խ.-ի օգտին: Իր համախոհների հետ նա նախ առանձնացրել է Գ. Ա.-ին իրենց խցում՝ պատճառաբանությունները լսելու պատրվակով, ապա Դ. Խ-ի հետ զրույցից հետո նրա հետ ներս է մտել խուց, որից հետո կշտամբել է, որ ընկերոջ հետ Գ. Ա.-ն վիճաբանել է, և ներկաների համաձայնությամբ Դ. Խ.-ն հարվածել է Գ. Ա.-ին՝ հասցնելով ծանր մարմնական վնաս: Ապա շարունակել են հարվածել մյուս ներկաները և ուշադրություն չեն դարձրել Գ. Ա.-ի՝ ծեծը դադարեցնելու հորդորներին, քանի որ ծանր վնասվածք էր ստացել:


Միջադեպից հետո Գ. Ա.-ն տեղափոխվել է հիվանդանոց:


Չնայած վիճաբանությանն ու ծեծկռտուքին մասնակցել են նաև քրեական հեղինակություն համարվող Ա. Հայրապետյանն ու վերջինիս համախոհները, նրանց մեղադրանք առաջադրված չէ: Քրեական հեղինակություններին արտոնություններ տալու և անպատժելի հռչակելու նախկին արատավոր պրակտիկան շարունակում է գործել նաև Նոր Հայաստանում:


Մի կողմից ՔԿՀ ծառայողներն են լուռ ենթարկվում քրեական մշակույթի կանոններին ու քրեական աշխարհի ներկայացուցիչներին, մյուս կողմից՝ իրավապահներն են զերծ մնում նրանց իրավական դաշտ բերելուց:


Փաստն այն է, որ դատապարտյալը ծեծի է ենթարկվել ՔԿՀ ծառայողների թողտվությամբ, ինչ արձանագրված է նաև մեղադրական եզրակացության մեջ:


Բացի դրանից՝ ՔԿՀ ղեկավարությունը իր անգործությամբ կամ գործողություններով նպաստել է նման իրավիճակի ստեղծմանը՝ դատապարտյալի բարձրացրած խնդրին ընթացք չտալով, ավելին՝ նրան հորդորելով, որ հրաժարվի դիմումից:


Բայց ուշագրավ է այն հանգամանքը, որ այս քրեական գործից անջատվել է մաս քրեակատարողական հիմնարկի աշխատակիցների գործողությունների, իրականում՝ անգործության վերաբերյալ, սակայն ամբողջ խնդիրը նրանում է, որ ՔԿՀ-ի աշխատակիցների ակնհայտ անգործությունը անմիջական ազդեցություն է ունեցել ազատազրկված անձանց միջև հարաբերությունների լարվածության վրա: Փոխանակ իրականացնեն օրենքով սահմանված իրենց լիազորությունները, միջոցներ ձեռք առնեն կանխելու հնարավոր լարվածությունը կանխելու ուղղությամբ, «ռազբորկայի» ինստիտուտն են գործի գցում «զոն նայողի» միջոցով:


Վերը նկարագրված երևույթը դրսևորվել է նախկինում և «զոն նայողների» ինստիտուտը շարունակում է գործել ու անպատժելի մնալ նաև Նոր Հայաստանում:


Այն, որ ներկայացված մեղադրական եզրակացության մեջ դեպքերի նկարագրությունը իրականության հետ իրական առնչություն չունի, դրան կանդրադառնանք դատաքննության ընթացքում. ը իրականացնելու է Դ.Խ.-ի իրավունքների պաշտպանությունը:


 

хорошие новости дня новости кавказа бесплатно



  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

  • Կիսվեք Ձեր ընկերների հետ

  • Դիտումների քանակ այսօր: 238


    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    Breaking News
    FOCUS IP TV - LIVE
    ADVERTISING IN ARMENIA +37491 75 00 75 (Radio, television, internet, press, SMM, Outdoor ...) FOCUS MEDIA GROUP
    СЛУШАТЬ РАДИО գովազդ ռադիոկայաններում
    Armenia Today
    Սոցիալական ցանցեր
    • Facebook
    • Вконтакте
    • Twitter
    Artsakh Today
    СЛУШАТЬ РАДИО գովազդ ռադիոկայաններում
    Economy & Business
    Ժամանց
    բոլոր նորությունները →
    Օպերատիվ ամփոփագիր
    բոլոր նորությունները →
    v