Երևանի ավագանու ընտրությունների ժամկետների վերաբերյալ տեղեկատվություն չկա և երբ կհստակեցվի, ՀՅԴ գերագույն մարմինը կորոշի՝ մասնակցե՞լ ընտրություններին, թե՞ ոչ, այսօր խորհրդարանում լրագրողների հետ ճեպազրույցում հայտարարեց Դաշնակցություն խմբակցության ղեկավար Արմեն Ռուստամյանը։
«Չի բացառվում, որ Դաշնակցությունը մասնակցի Երևանի ավագանու ընտրություններին։ Ստեղծված իրավիճակը կվերլուծի Գերագույն մարմինը և որոշում կկայացնի»,- նշեց Արմեն Ռուստամյանը։
Նրա խոսքով` Գերագույն մարմինը պետք է մանրամասն քննարկի ու հասկանա՝ ինչպե՞ս, ի՞նչ ձևաչափով է մասնակցելու կուսակցությունը ընտրական գործընթացին։
