ԱԳՆ. Հունիսին նախատեսվող հանդիպմանը համաձայնագիր չի ստորագրվելու » Նորություններ ամեն ժամ | Նորություններ Կովկասից | Հայաստան, Արցախ, Վրաստան, Ադրբեջան, Թուրքիա և Իրան


 
  • 14:42 – Իրանը պետք է Հայաստանին ռազմական աջակցություն ցուցաբերի անհրաժեշտության դեպքում. իրանցի փորձագետ 
  • 11:14 – Մոսկվայում հայ կինը ծեծի է ենթարկել 3 հարբած ադրբեջանցի տղամարդկանց՝ եռագույնը ծաղրելու համար 
  • 15:20 – Երևանը կենտրոնացած է Մոսկվայի հետ լայն և երկարաժամկետ ռազմատեխնիկական համագործակցության վրա | Նիկոլ Փաշինյան 
  • 10:32 – Ոչնչով չեմ կարող օգնել նրան․ Կրուտոյը կոչ է արել աղոթել ծանր հիվանդ Սերովի համար 
  • 23:34 – Մանվել Գրիգորյանի որդին Փաշինյանի հասցեին վիրավորական գրառում է արել.Ձեռնարկվում են միջոցառումներ նրան հայտնաբերելու ուղղությամբ 
  • 16:35 – Մարդն այսօր արդեն կարող է ապրել մոտ 130 տարի,մարդու համար սկզբունքորեն կյանքի տևողության սահմանափակում գոյություն չունի 

ԱԳՆ. Հունիսին նախատեսվող հանդիպմանը համաձայնագիր չի ստորագրվելու

ՀՀ արտգործնախարար Էդվարդ Նալբանդյան

Իրականությանը չեն համապատասխանում լուրերը, թե հունիսին նախատեսվող հանդիպմանը հայկական և ադրբեջանական կողմերի միջև համաձայնագիր է ստորագրվելու: Կողմերը համաձայնվել են այն ամենի շուրջ, ինչը հրապարակվել է եռանախագահող երկրների արտգործնախարարների համատեղ հայտարարության մեջ: Այս մասին Ազգային Ժողովում հայտարարեց ՀՀ արտգործնախարար Էդվարդ Նալբանդյանը՝ արձագանքելով ԲՀԿ խմբակցության ղեկավար Նաիրա Զոհրաբյանի հարցին, թե ըստ մամուլի, այդ թվում և միջազգային՝ Վիեննայից հետո հունիսին սպասվող հանդիպմանը հնարավոր է ստորագրվի կողմերի միջև ինչ-որ համաձայնագիր:


ԱԳ նախարարը բացատրեց, որ հայտարարությունը կարող էր ստորագրվել ոչ թե եռակողմ, այլ հնգակողմ, բայց Ադրբեջանը հրաժարվեց միանալ այդ հայտարարությանը, որն արել էին եռանախագահները, և հենց այդ պատճառով դա դարձավ եռակողմ հայտարարություն: Որում, շարունակեց Նալբանդյանը, շատ հստակ նշված են այն պայմանավորվածությունները, հանձնառությունները, որ ստանձնել են կողմերը: Նախ, դրանում հստակ նշվում է 1994-95թթ-ների եռակողմ, անժամկետ զինադադարի պայմանագրերի անխտիր իրականացումը, նաև ընդգծվում է կարևորությունը, որպեսզի ստեղծվի զինադադարի խախտման հետաքննության մեխանիզմ և ընդլայնվի ԵԱՀԿ նախագահի անձնական ներկայացուցչի գրասենյակի կարողությունները: ՀՀ ԱԳ նախարարը մատնանշեց նաև, որ այդ տեքստում ասվում է, որ բանակցությունների հաջորդ փուլը կլինի հունիսին.


«Վայրը դեռ ճշտված չէ, բայց որը նվիրված կլինի բանակցությունների վերսկսման խնդրին: Պարզ է մեկ բան, որ այդ բանակցությունների մեկնարկի համար պետք է համապատասխան պայմաններ ստեղծվեն, բայց դա նախապայմաններ չեն Հայաստանի կողմից, այլ բանակցությունների համար պետք է ստեղծվեն համապատասխան պայմաններ: Եվ այդ պայմանների մասին խոսեցին հենց եռանախագահողները և նաև պարտավորություններ ստանձնեցին կողմերը: Եթե այդ պայմանները ստեղծվեն, կյանքի կոչվեն պայմանավորվածությունները, այսինքն բացառվեն նոր զարգացումները, ինչպիսիք եղան ապրիլի սկզբին, ապա հնարավոր կլինի սկսել այդ բանակցությունները: Այս պահին ջանքեր են գործադրվում հենց այս ուղղությամբ»,-ասաց Նալբանդյանը:


ԱԳ նախարարը նշեց, որ հունիսի սկզբին նախատեսվում է հանդիպում ԵԱՀԿ Մինսկի խմբի համանախագահների հետ, առանձին հանդիպումներ են լինելու նաև ՀՀ և Ադրբեջանի արտգործնախարարների միջև և գուցե, հույս հայտնեց Էդվարդ Նալբանդյանը, այդ հանդիպումների ժամանակ կշարունակեն քննարկել այն հնարավորությունները, որպեսզի լիակատար իրականացվեն Վիեննայում ձեռք բերված պարտավորությունները: Ինչը հնարավորություն կտա ճանապարհ հարթել բանակցությունների փուլ: Ինչ վերաբերում է Սերժ Սարգսյանի և Իլհամ Ալիևի հնարավոր հանդիպմանը, ապա Նալբանդյանը նշեց, որ դրա հնարավորությունն էլ չի բացառվում.


«Ինչու ոչ՝ հնարավոր է և լինի բարձր մակարդակով ևս, այդ հայտարարության մեջ նշված չէր, թե ինչ մակարդակի մասին է խոսքը: Բայց բացառված չէ, եթե բոլոր պայմանները ստեղծվեն և նախապատրաստվի այդպիսի հանդիպման հնարավորություն, ապաև կարող է լինել հանդիպում: Բայց իհարկե, երբ խոսում ենք այս ամենի մասին, պետք է հիշենք, որ հանդիպում, որտեղ կվերսկսվեն բանակցությունները՝ որևէ ստորագրության մասին այս պահին ոչ միայն վաղաժամ է խոսել, այլև անիմաստ, որովհետև այդպիսի փաստաթուղթ մշակված չկա, որը կարող է ստորագրվել: Եվ այդ բանակցությունները պետք է նվիրված լինեն հենց դրան, որ շարունակեն մշակել հիմնախնդրի կարգավորման հիմնական ուղղությունները, իրավապայմանագրային փաստաթուղթ կողմերի միջև, որը հնարավորություն կտա հիմնախնդրի բացառապես խաղաղ կարգավորում»,- հավելեց Էդվարդ Նալբանդյանը:


хорошие новости дня новости кавказа бесплатно

Աղբյուր: //FMG.NEWS

  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

  • Կիսվեք Ձեր ընկերների հետ

  • Դիտումների քանակ այսօր: 496


    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    Breaking News
    FOCUS IP TV - LIVE
    ADVERTISING IN ARMENIA +37491 75 00 75 (Radio, television, internet, press, SMM, Outdoor ...) FOCUS MEDIA GROUP
    СЛУШАТЬ РАДИО գովազդ ռադիոկայաններում
    Armenia Today
    Սոցիալական ցանցեր
    • Facebook
    • Вконтакте
    • Twitter
    Artsakh Today
    СЛУШАТЬ РАДИО գովազդ ռադիոկայաններում
    Economy & Business
    Ժամանց
    բոլոր նորությունները →
    Օպերատիվ ամփոփագիր
    բոլոր նորությունները →
    v