Ուկրաինայի հայերը քննադատել են փոխարտգործնախարարի նամակը,թե Ուկրաինան չի ճանաչում հայ ժողովրդի ցեղասպանությունը » Նորություններ ամեն ժամ | Նորություններ Կովկասից | Հայաստան, Արցախ, Վրաստան, Ադրբեջան, Թուրքիա և Իրան


 
  • 16:30 – Ջո Բայդենը կատարեց իր խոստումը, ԱՄՆ նախագահը 1915-թ-ի իրադարձություններն անվանեց Ցեղասպանություն 
  • 16:30 – Ջո Բայդենը կատարեց իր խոստումը, ԱՄՆ նախագահը 1915-թ-ի իրադարձություններն անվանեց Ցեղասպանություն 
  • 15:20 – Երևանը կենտրոնացած է Մոսկվայի հետ լայն և երկարաժամկետ ռազմատեխնիկական համագործակցության վրա | Նիկոլ Փաշինյան 
  • 16:30 – Ջո Բայդենը կատարեց իր խոստումը, ԱՄՆ նախագահը 1915-թ-ի իրադարձություններն անվանեց Ցեղասպանություն 
  • 10:33 – Մի քանի ժամվա ընթացքում երկրորդ երկրաշարժը գրանցվեց Երևանից քիչ հեռու 
  • 11:53 – Նմանը չունեցող թխվածքաբլիթ․ յուրահատուկ և պարզ բաղադրատոմս, որը գրավում է իր համով 

Ուկրաինայի հայերը քննադատել են փոխարտգործնախարարի նամակը,թե Ուկրաինան չի ճանաչում հայ ժողովրդի ցեղասպանությունը

Ուկրաինայի հայերը քննադատել են փոխարտգործնախարարի նամակը,թե Ուկրաինան չի ճանաչում հայ ժողովրդի ցեղասպանությունը
«Ուկրաինայի հայերի համար Ցեղասպանությունը եւ Գոլոդոմորը ընդհանուր ողբերգություն են, եւ այդ հանցագործությունները չճանաչելու ցանկացած կոչ մենք համարում ենք ցեղասպանության շարունակություն։ Այս մասին, ինչպես հայտնում է AnalitikaUA.net-ը, ասվում է Դոնեցկի մարզում Ուկրաինայի հայերի միության հայտարարության մեջ։

«Ուկրաինայում քաղաքական կյանքը ապրիլի 24-ի նախօրեին առանց այդ էլ ոչ հասարակ իրավիճակը սրվում է Ուկրաինայի արտաքին գործերի փոխնախարար Վ․ Բոդնարի՝ Հայոց ցեղասպանության 105-ամյա տարելիցին մասնակցելուց ձեռնպահ մնալու կոչից հետ։

Հայերը Ուկրաինայում ապրում են ավելի քան 1000 տարի, նրանք հանդիսանում են եւ իրենց համարում են այս երկրի լիիրավ քաղաքացիներ։ Նրանց լիարժեք ներգրավվածությունը բոլոր հասարակական եւ քաղաքական գործընթացներում, անմնացորդ նվիրվածությունը եւ տված կյանքերը հանուն Ուկրաինայի բարօրության, կասկածից վեր են։

Ուկրաինայի տասնյակ քաղաքային, մարզային եւ շրջանային խորհուրդներ ճանաչել եւ դատապարտել են Հայոց ցեղասպանությունը։

105 տարի առաջ շատ հայեր, որոնց հաջողվել է փրկվել Օսմանյան Թուրքիայում ցեղասպանությունից, նոր տուն են գտել Ուկրաինայում, նրանցից շատերը նաև զոհվել են Գոլոդոմորի ժամանակ։ Ուկրաինայի հայերի համար Ցեղասպանությունը եւ Գոլոդոմորը ընդհանուր ողբերգություն են, եւ այդ հանցագործությունները չճանաչելու ցանկացած կոչ մենք համարում ենք ցեղասպանության շարունակություն։

Մեր երեխաները իրենց ուկրաինացիներ են համարում, մենք սովորեցնում ենք նրանց ապրել եւ հասկանալ իրենց բազմամշակույթ ժառանգությունը։ Եւ ցեղասպանության հարցը չպետք է քաղաքական սպեկուլյացիաների մաս լինի պետությունների միջեւ։ Ցեղասպանությունը ժողովրդի եւ ազգի վերապրելու հարց է, ոչ թե քաղաքականության հարց։

Դոնեցկի մարզի հայկական կազմակերպության կողմից հայտարարում ենք հարցը հօգուտ այսրոպեական եւ քաղաքական շահերի այդպես դնելու անթույլատրելիության մասին։

Համավարակի կարանտինի հետ կապված՝ երկրում ապրիլի 24-ին Հայոց ցեղասպանության զոհերի հիշատակի օրը մենք կանցկացնենք հիմնականում վիրտուալ տարածքում»,- ասվում է հայտարարության մեջ։

Ինչպես հաղորդվել էր նախկինում, Ուկրաինայի փոխարտգործնախարար Վ․ Բոդնարի նամակում նշվել էր, որ Ուկրաինան չի ճանաչում հայ ժողովրդի ցեղասպանությունը, եւ դիվանագետը խնդրել էր ուկրաինացի պատոնյաներին ձեռնպահ մնալ ցեղասպանության զոհերի հիշատակին նվիրված միջոցառումներին մասնակցելուց եւ հրաժարվել այդ տերմինն օգտագործելուց։

Ավելի վաղ, Ուկրաինայի Գերագույն Ռադայի պատգամավոր Դարիա Վոլոդինան իր վրդովմունքն էր հայտնել պաշտոնյայի նամակի կապակցությամբ:

Այսօր ամբողջ Ուկրաինայում անցկացվում են Հայոց ցեղասպանության 105-րդ տարելիցին նվիրված միջոցառումներ, հաղորդում է կայքը: хорошие новости дня новости кавказа бесплатно



  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

  • Կիսվեք Ձեր ընկերների հետ

  • Դիտումների քանակ այսօր: 179


    Կարդացեք նաև:
    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    FOCUS IP TV - LIVE
    ԳՈՎԱԶԴ ՀԱՅԱՍՏԱՆՈՒՄ +37491 75 00 75 (Ռադիո, հեռուստատեսություն, ինտերնետ, մամուլ ...) FOCUS MEDIA GROUP
    • Այսօր
    • Թոփ 10
    • Կարդում են
    СЛУШАТЬ РАДИО գովազդ ռադիոկայաններում
    Հայաստանը այսօր
    Սոցիալական ցանցեր
    • Facebook
    • Вконтакте
    • Twitter
    Սպասվող իրադարձություններ
    СЛУШАТЬ РАДИО գովազդ ռադիոկայաններում
    Իմ առողջությունը
    Ժամանց
    բոլոր նորությունները →
    Օպերատիվ ամփոփագիր
    բոլոր նորությունները →
    v