Մկնդեղով, կադմիումով և դիօքսիններով աղտոտվածությունը՝ Ալավերդիում և Ախթալայում. ԷկոԼուր » Նորություններ ամեն ժամ | Նորություններ Կովկասից | Հայաստան, Արցախ, Վրաստան, Ադրբեջան, Թուրքիա և Իրան


 
  • 11:45 – ՀՀ-ի և Թուրքիայի միջեւ որեւէ շփում տեղի չի ունեցել 
  • 12:11 – Հրաձգություն Ռուսաստանի Պերմի համալսարանի տարածքում․ ուսանողները դուրս են նետվում պատուհաններից 
  • 15:20 – Երևանը կենտրոնացած է Մոսկվայի հետ լայն և երկարաժամկետ ռազմատեխնիկական համագործակցության վրա | Նիկոլ Փաշինյան 
  • 11:45 – ՀՀ-ի և Թուրքիայի միջեւ որեւէ շփում տեղի չի ունեցել 
  • 12:11 – Հրաձգություն Ռուսաստանի Պերմի համալսարանի տարածքում․ ուսանողները դուրս են նետվում պատուհաններից 
  • 22:31 – «Զինվոր եղբայրս արգելեց փողոց դուրս գալ, ուրեմն ես․․․»․ Դերասանուհի Մարիամ Ալեքսանյանի գրառումը 

Մկնդեղով, կադմիումով և դիօքսիններով աղտոտվածությունը՝ Ալավերդիում և Ախթալայում. ԷկոԼուր

Մկնդեղով, կադմիումով և դիօքսիններով աղտոտվածությունը՝ Ալավերդիում և Ախթալայում. ԷկոԼուր«Էկոլուր»-ի հաղորդմամբ՝ Լոռու մարզի Ալավերդի և Ախթալա համայնքների տարածքներում չեխական «Արնիկա» կազմակերպության իրականացրած հետազոտության արդյունքների համաձայն՝ մարդու առողջության համար ամենամեծ ռիսկը ներկայացնում են մկնդեղով, կադմիումով և դիօքսիններով աղտոտվածությունը:

     Հետազոտվել են հողի, սննդի և մարդու մազերի նմուշները: Նմուշների անալիզները կատարվել են Պրահայի Քիմիա-տեխնոլոգիական համալսարանի լաբորատորիաներում և Ազգային առողջապահության ազգային ինստիտուտում: Նոր հետազոտություններով վերահաստատվել է ազատ տեղաշարժվող հավերի ձվերում դիօքսինների բարձր քանակությունների փաստը: Հետազոտության արդյունքները վկայում են, որ գյուղատնտեսական տարածքներն աղտոտված են ծանր մետաղներով: Պարզվել է, որ Ալավերդու պղնձաձուլարանը, ինչպես նաև «Ախթալա ԼՀԿ»-ի կողմից շահագործվող Շամլուղի պղնձի հանքավայրը և պոչամբարները, որոնք տեղակայված են անմիջապես Դեբեդ գետի հարևանությամբ, հարակից և ավելի հեռավոր տարածքների համար ծանր մետաղների աղտոտման աղբյուր են:

     Հողի որոշ փորձանմուշներում մկնդեղի կոնցենտարացիան 21 անգամ գերազանցել է նորմը: Ազատ տեղաշարժվող հավերի ձվերում դիօքսինի կոնցենտրացիան գերազանցել է նորմը 150-318 անգամ: Փորձագետները նման գերազանցումը գնահատում են որպես կրիտիկական էֆֆեկտ՝ հաշվի առնելով, որ ձուն օգտագործում են երեխաները, որոնք շատ ավելի զգայուն են թունավոր նյութերի նկատմամբ: Այս տվյալները ներկայացվեցին դեկտեմբերի 6-ին Երևանում կայացած «Աղտոտված շրջակա միջավայրի ազդեցությունը Լոռու մարզի բնակիչների առողջության վրա» խորագրով համաժողովի ժամանակ:

     Համաժողովի մասնակիցներին ողջունեց ՀՀ-ում Չեխիայի Հանրապետության փոխդեսպան Յան Պլեշինգերը: Համաժողովին մասնակցեցին ՀՀ շրջակա միջավայրի, առողջապահության, տարածքային կառավարման և ենթակառուցվածքների, արտակարգ իրավիճակների նախարարությունների ներկայացուցիչներ, ՀՀ Ազգային ժողովի պատգամավորներ, հասարակական կազմակերպությունների ներկայացուցիչներ, Ալավերդի և Ախթալա համայնքների բնակիչներ:

     «Անհրաժեշտ են հետագա հետազոտություններ` մարդու օրգանիզմում կադմիումի և մկնդեղի հնարավոր կուտակումը որոշելու համար: Ծանր մետաղները հանդիսանում են տեղական արդյունաբերության կողմից արտադրվող վտանգավոր քիմիական նյութերի մի խումբ: Մենք նախատեսում ենք լրացուցիչ աշխատանքներ կատարել այս ոլորտում: Բացի այդ, կառավարությունը պետք է անցկացնի աղտոտման և առողջության որոշակի մոնիտորինգ: Մենք վերլուծեցինք Ալավերդու ազատ տեղաշարժվող հավերի ձվերի մեկ այլ համակցված նմուշ` դիօքսինների համար, և արդյունքը հաստատեց նախորդ տարվա տեղական ձվերում հայտնաբերված այս քիմիական նյութերի տագնապալի քանակները: Դիօքսինները վտանգավոր են շատ փոքր կոնցենտրացիաներում, և Ալավերդին, հավանաբար, լրջորեն աղտոտված է այդ քիմիական նյութերով»,- ասաց «Արնիկա» կազմակերպության տնօրեն Յինդրիխ Պետրլիկը։

     «Հետազոտության արդյունքները ցույց են տվել առողջության համար կանցերոգեն և ոչ կանցերոգեն ռիսկերի բարձր մակարդակ այն տարածքներում, որտեղ հայտնաբերվել են կադմիումի, մկնդեղի և նիկելի բարձր կոնցենտրացիաներ»,- ասաց շրջակա միջավայրի և առողջության ռիսկերի գնահատման փորձագետ, դոկտոր Միրոսլավ Շուտան:

     «Նմուշառված տարածքների մեծ մասը կարելի է համարել աղտոտված: Քիմիական նյութերի պարունակությունը որոշ դեպքերում վտանգ է ներկայացնում շրջակա միջավայրի և մարդու առողջության համար: Հողի բազմաթիվ նմուշներում ծանր մետաղների կոնցենտրացիաները գերազանցում են տարբեր տեղական և միջազգային չափորոշիչներին», - նշեց «Համայնքային համախմբման և աջակցության կենտրոն» ՀԿ-ի նախագահ Օլեգ Դուլգարյանը:

     Մեծ Այրում գյուղի բնակիչն ասաց, որ ապրում է Նահատակի պոչամբարից 50 մետր հեռավորության վրա: Նա ունի երեք երեխա, ովքեր մշտապես հիվանդ են: «Իմ երեխան տարի ու կես հիվանդանոցում է եղել, մյուս երեխան անընդհատ գլխացավ ունի, հետ է տալիս: Իմ եղբոր՝ 20 օրական երեխայի մոտ ուռուցք են հայտնաբերել: Մենք չգիտենք՝ ուր գնանք, փախնենք այդ պոչամբարից: Մեր տները ոչ ոք չի գնում, իսկ որ դիմում ենք Ախթալայի ԼՀԿ-ին, մեզ անվտանգությունը ներս չի էլ թողնում»,- ասաց նա:

     ՀՀ առողջապահության նախարարության ներկայացուցիչը հայտնեց, որ դիմել են Առողջապահության համաշխարհային կազմակերպությանը մեթոդաբանական աջակցություն ստանալու համար, որի օգնությամբ հնարավոր կլինի գնահատել շրջակա միջավայրի գործոնների ազդեցությունը մարդու առողջության վրա: хорошие новости дня новости кавказа бесплатно



  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

  • Կիսվեք Ձեր ընկերների հետ

  • Դիտումների քանակ այսօր: 96


    Կարդացեք նաև:
    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    Breaking News
    FOCUS IP TV - LIVE
    ADVERTISING IN ARMENIA +37491 75 00 75 (Radio, television, internet, press, SMM, Outdoor ...) FOCUS MEDIA GROUP
    СЛУШАТЬ РАДИО գովազդ ռադիոկայաններում
    Armenia Today
    Սոցիալական ցանցեր
    • Facebook
    • Вконтакте
    • Twitter
    Artsakh Today
    СЛУШАТЬ РАДИО գովազդ ռադիոկայաններում
    Economy & Business
    Ժամանց
    բոլոր նորությունները →
    Օպերատիվ ամփոփագիր
    բոլոր նորությունները →
    v