Առեղծվածային դեղամիջոց՝ Avastin. մոսկովյան կլինիկայում դրա պատճառով կուրացել է 9 մարդ » Նորություններ ամեն ժամ | Նորություններ Կովկասից | Հայաստան, Արցախ, Վրաստան, Ադրբեջան, Թուրքիա և Իրան


 
  • 21:30 – Քննարկվել է ֆիզիկական անձանց եկամուտների համընդհանուր հայտարարագրման համակարգի ներդրման հարցը 
  • 21:30 – Քննարկվել է ֆիզիկական անձանց եկամուտների համընդհանուր հայտարարագրման համակարգի ներդրման հարցը 
  • 15:20 – Երևանը կենտրոնացած է Մոսկվայի հետ լայն և երկարաժամկետ ռազմատեխնիկական համագործակցության վրա | Նիկոլ Փաշինյան 
  • 20:57 – «#ինձհետ» էկո արշավ 
  • 23:34 – Մանվել Գրիգորյանի որդին Փաշինյանի հասցեին վիրավորական գրառում է արել.Ձեռնարկվում են միջոցառումներ նրան հայտնաբերելու ուղղությամբ 
  • 16:35 – Մարդն այսօր արդեն կարող է ապրել մոտ 130 տարի,մարդու համար սկզբունքորեն կյանքի տևողության սահմանափակում գոյություն չունի 

Առեղծվածային դեղամիջոց՝ Avastin. մոսկովյան կլինիկայում դրա պատճառով կուրացել է 9 մարդ

Առեղծվածային դեղամիջոց՝ Avastin. մոսկովյան կլինիկայում դրա պատճառով կուրացել է 9 մարդՆախօրեին Երեւանի Ս.Մալայանի անվան ակնաբուժական կենտրոնում սկանդալ էր. հայտնի էր դարձել, որ 6 մարդ գրեթե զրկվել է տեսողությունից շվեյցարական Ռոշ ընկերության Avastin դեղամիջոցի օգտագործումից հետո։ Տուժածների հարազատները պնդում էին, որ պացիենտները դժվարությամբ էին զանազանում լույսը մթից այդ դեղամիջոցի ներարկումից հետո։ Կլինիկայի ղեկավարությունը հայտարարեց այն մասին, որ դեղամիջոցում հայտնաբերվել է աղիքային ցուպիկ, իսկ «Նատալի Ֆարմ» ընկերությունն ասել է, որ Avastin-ը նախատեսված չէ ներաչքային ներարկման համար։

Այնինչ, տեսողության ժամանակավոր կորստի հետ կապված պատմությունը Avastin դեղամիջոցի օգտագործումից հետո նոր չէ։ 2016-ի սեպտեմբերին Մոսկվայի Հելմհոլցի անվան ակնաբուժական կլինիկայում նման սկանդալ էր բռնկվել. տուժել էր 9 պացիենտ։ Նրանց բոլորին ներարկվել էր Avastin ակնախնձորում։

Այն ժամանակ Ռուսաստանի Քննչական կոմիտեն քրեական գործ հարուցեց ոչ պրոֆեսիոնալ բուժման վերաբերյալ։ Քննիչների վարկածով՝ պատճառը դեղամիջոցի կիրառումն էր, որը «նախատեսված չէր ներարկման համար»։ Դեղը ժամանակավորապես հանվեց շրջանառությունից, բայց արդեն 2016 թվականի դեկտեմբերին վերականգնվեց Առողջապահության ոլորտի դաշնային վերահսկողական ծառայության կողմից։ Այդ ժամանակ էլ Roche Holding ընկերությունը հանդես եկավ հայտարարությամբ, որում նշում էր, որ պացիենտները տեսողությունը կորցրել են ակնաբուժության մեջ չգրանցված (այդ թվում եւ Ռուսաստանում) ցուցման արդյունքում։ Նշվում էր նաեւ, որ Avastin-ը հակաուռուցքային դեղամիջոց է եւ կիրառվում է օնկոլոգիական հիվանդությունների տարբեր տեսակների բուժման ժամանակ։

Դեղամիջոցի հրահանգում, կիրառման ցուցումներում նշված են հաստ աղիի քաղցկեղը, կաթնագեղձի քաղցկեղը, թոքի, ձվարանի, արգանդի վզիկի, լյարդաբջջային քաղցկեղները, գլիոբլաստոման, էպիթելային քաղցկեղը եւ որովայնամզի առաջնային քաղցկեղը։ Համապատասխան հրահանգը տեղադրված է Հայաստանի դեղերի եւ բժշկական տեխնոլոգիաների փորձաքննության գիտական կենտրոնի պաշտոնական կայքում։

Ինչո՞ւ են ուրեմն ակնաբույժները որոշել օգտագործել Avastin։ Փորձագետների կարծիքով՝ պատճառը կարող է լինել այն, որ դեղամիջոցի հիմնական ազդող նյութը բեւացիզումաբն է, որի թերապեւտիկ ազդեցությունը նման է ռանիբիզումաբին (առեւտրային անվանումը՝ Լուցենտիս)։ Այն կիրառվում է ակնաբուժության մեջ, բայց գրեթե երեք անգամ թանկ է Avastin-ից (միջինը՝ 300 հազար դրամ, այն դեպքում, երբ Avastin-ը 100 հազար դրամից մի փոքր ավելի է)։ Նշենք, որ ինչպես եւ Avastin-ը, Լուցենտիսը նույնպես մտնում է Հայաստանում գրանցված դեղամիջոցների ցուցակում։

Հ.Գ. Համաձայն ռուսական ԶԼՄ-ներում հրապարակված նյութերի, Հելմհոլցի անվան ակնաբուժական կլինիկայի պատմությունը լուռ ավարտ ունեցավ. Ռոսդրավնադզորը կլինիկային պահանջներ ներկայացրեց դեղերի հետ վարվելու կանոնների հետ կապված, եւ գործը դրանով ավարտվեց։ хорошие новости дня новости кавказа бесплатно



  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

  • Կիսվեք Ձեր ընկերների հետ

  • Դիտումների քանակ այսօր: 235


    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    Breaking News
    FOCUS IP TV - LIVE
    ADVERTISING IN ARMENIA +37491 75 00 75 (Radio, television, internet, press, SMM, Outdoor ...) FOCUS MEDIA GROUP
    СЛУШАТЬ РАДИО գովազդ ռադիոկայաններում
    Armenia Today
    Սոցիալական ցանցեր
    • Facebook
    • Вконтакте
    • Twitter
    Artsakh Today
    СЛУШАТЬ РАДИО գովազդ ռադիոկայաններում
    Economy & Business
    Ժամանց
    բոլոր նորությունները →
    Օպերատիվ ամփոփագիր
    բոլոր նորությունները →
    v