Հաղորդագրություն՝ կոռուպցիոն գործարքների մասին. Պետրոս Մակեյանը դիմում է Արթուր Վանեցյանին » Նորություններ ամեն ժամ | Նորություններ Կովկասից | Հայաստան, Արցախ, Վրաստան, Ադրբեջան, Թուրքիա և Իրան


 
  • 17:43 – Սահակաշվիլին շատ բարկացած է Ղարիբաշվիլիի վրա, ասել է որ նրան «դուրս է շպրտելու» կաբինետից 
  • 19:57 – Իրանում մեկնարկել են բանակի և ԻՀՊԿ օդային ուժերի մասնակցությամբ լայնամասշտաբ զորավարժությունները 
  • 15:20 – Երևանը կենտրոնացած է Մոսկվայի հետ լայն և երկարաժամկետ ռազմատեխնիկական համագործակցության վրա | Նիկոլ Փաշինյան 
  • 10:32 – Ոչնչով չեմ կարող օգնել նրան․ Կրուտոյը կոչ է արել աղոթել ծանր հիվանդ Սերովի համար 
  • 23:34 – Մանվել Գրիգորյանի որդին Փաշինյանի հասցեին վիրավորական գրառում է արել.Ձեռնարկվում են միջոցառումներ նրան հայտնաբերելու ուղղությամբ 
  • 16:35 – Մարդն այսօր արդեն կարող է ապրել մոտ 130 տարի,մարդու համար սկզբունքորեն կյանքի տևողության սահմանափակում գոյություն չունի 

Հաղորդագրություն՝ կոռուպցիոն գործարքների մասին. Պետրոս Մակեյանը դիմում է Արթուր Վանեցյանին

Հաղորդագրություն՝ կոռուպցիոն գործարքների մասին. Պետրոս Մակեյանը դիմում է Արթուր ՎանեցյանինՀաղորդագրություն՝ կոռուպցիոն գործարքների մասին. Պետրոս Մակեյանը դիմում է Արթուր Վանեցյանին«Ժողովրդավարական հայրենիք» կուսակցության նախագահ Պետրոս Մակեյանը ֆեյսբուքյան իր էջում գրել է.

«ԱԱԾ ղեկավար պարոն Արթուր Վանեցյանին

     Հաղորդագրություն կոռուպցիոն գործարքների մասին

     Հաշվի առնելով այն հանգամանքը, որ նախկին իշխանությունների ձևավորած կառավարման համակարգն ամբողջությամբ թաղված էր կոռուպցիայի մեջ, ապա ցանկացած ոլորտում անխուսափելի է կոռուպցիոն գործարքների և յուրացումների առկայությունը և նախընտրելի է, որ դրանցով զբաղվեն ոստիկանության ու դատախազության համապատասխան կառույցները, իսկ ԱԱԾ-ն ցանկալի է իր գործնեությունը ծավալի այն ոլորտներում, որոնք կբարձրացնեն մեր ազգային անվտանգությունը։ Ներկայացնում եմ երկու տասնյակ հասցեական հնարավոր կոռուպցիոն գործարքներ։

     1. Ուսումնասիրել յոթ միլիարդ դոլար պետական պարտքի՝ վերցրած վարկերի օգտագործման արդյունավետությունը՝ համոզված լինելով, որ 40-45 տոկոսը յուրացվել կամ օգտագործվել է անարդյունավետ։

     2. Բացահայտել 1998-99թթ հայ-ռուս գազարդի 20 տոկոս բաժնեմասի դիմաց Ռուսաստանից 148 միլիոն դոլարի ստացած անվճար գազի դիմաց չհավաքագրված գումարների մասին, հայտնի է, որ 2002թ-ին Ֆինանսների նախարար Վարդան Խաչատրյանը հայտարարել է, որ հաջողվել է հավաքագրել միայն 20 միլիոն դոլարը։

     3. Բացահայտել Ռոբերտ Քոչարյանի կոռուպցիոն գործարքի շրջանակը։ 1998թ-ին էլեկտրոէներգիայի սակագինը բարձրացվեց 15 դրամից 25 դրամի, այնուհետև՝ բաշխիչ ցանցերը վաճառվեց 12 միլիոն դոլարի, օֆշորում գրանցված ըստ տարածված լուրերի Փամբուկյանին պատկանող կազմակերպությանը, և մի քանի ամիս անց բաշխիչ ցանցերը վերավաճառեցին 40 միլիոն դոլարի՝ ստանալով 28 միլիոն դոլարի շահույթ։

     4. Բացահայտել «Արմենտելի» գործարքի կոռուպցիոն կողմերը՝ վաճառված հունական OTE ընկերությանը, որը չկատարելով պայմանագրային պարտավորությունները, ավելին՝ նեդրման անվան տակ Հունաստանից ներկրվել է օգտագործված սարքավորումներ, միաժամանակ խախտելով Սահմանադրությունը, 1998թ-ին հունական ընկերությանը տրվեց մենաշնորհ, ինչը բողոքարկվեց Սահմանադրական դատարանում, եղավ վճիռ, որը Ռոբերտ Քոչարյանը թույլ չտվեց կյանքի կոչել, Կոռուպցիոն գործարքներում մեծ դերակատարում է ունեցել Արդարադատության նախարար Դավիթ Հարությունյանը։

     5. Բացահայտել 1998-99թթ․ ֆրանսիական ընկերությանը Կոնյակի գործարանի 28 միլիոն դոլարի վաճառքի կոռուպցիոն կողմերը, մասնավորապես՝ կոնյակի պաշարների պակասի և այն յուրացման սխեման, մասնակիցները։

     6. Բացահայտել «Արմենիա» հյուրանոցի կոռուպցիոն գործարքի սխեման, որը ջրի գնով վաճառվեց իբր հնարավոր կատարվելիք ներդրումների դիմաց։

     7. Բացահայտել գազի սակագնի ձևավորման կոռուպցիոն սխեման և մասնակիցների շրջանակը, մասնավորապես՝ ինչպես է հնարավոր բաժանորդին գազի սակագինը երկու անգամ բարձր վաճառել սահմանին մատակարարվող սակագնից, երբ միջազգային ընդունված նորմը 10-20 տոկոս է։

     8. Բացահայտել՝ ինչ հիմքերով էլեկտրոէներգիայի սակագինը վերջին նախագահական ընտրություններից հետո շուրջ 20 դրամով բարձրացվեց ինքնարժեքից երկու անգամ բարձր, այնուհետև առանց մրցույթի վաճառվեց «Տաշիր» Գրուպին։ Տարածված լուրերի և ԶԼՄ-ում հրապարակված նյութերի՝ Սերժ Սարգսյանի նախագահական ընտրությունների ժամանակ Սամվել Կարապետյանի ներդրած գումարի հատուցման նպատակով է իրականացվել վերոնշյալ կոռուպցիոն գործարքը՝ պարտքը դնելով ժողովրդի ուսերին։

     9. Բացահայտել «Գլենդել Հիլզ» շինարարական կազմակերպության ապօրինի գործարքները՝ կեղծ տենդերների կամ առանց տենդերների իրականացված շինարարությունները, մասնավորապես՝ աղետի գոտում իրականացված անորակ շինարարությունն ու յուրացումները։

     10. Բացահայտել Սաշիկ Սարգսյանի 50 տոկոս փայաբաժնի կոռուպցիոն սխեման։

     11. Բացահայտել Միքայել Մինասյանի բիզնեսների կոռուպցիոն համակարգը և նրա կողմից տեղեկատվական դաշտի զգալի մասի վերահսկողության վտանգավոր հետևանքները։

     12. Բացահայտել Ռոբերտ Քոչարյանի և նրա ընտանիքի ունեցվածքի ու բիզնեսի կոռուպցիոն սխեմաները, ըստ մամուլի հրապարակումների նրանց ունեցվածքը անցնում է 4 միլիադ դոլարը։

     13. Բացահայտել Սամվել Ալեքսանյանի բիզնես կոռուպցիոն սխեման՝ շաքարի հումքի շաքարավազի ներկրման և շաքարի գործարանի շղթան։

     14. Բացահայտել տեսանկարահանող սարքերի՝ արագաչափերի, կարմիր գծերի և այլ տուգանքներով հավաքագրված գումարների կոռուպցիոն սխեմաները։

     15. Հաշվի առնելով այն փաստը, որ Հայաստանի պետական պարտքը հինականում կուտակվել է վարչապետ Տիգրան Սարգսյանի ժամանակ՝ ուսումնասիրել վարկերի օգտագործման արդյունավետությունը, հատկապես՝ դրամաշնորհների օգտագործման նպատակահարմարությունը։ Կան տեղեկություններ, որ դրամաշնորհների առյուծի բաժինը տնօրինվել է Տիգրան Սարգսյանի և նրա շրջապատի կողմից։

     16. Ուսումնասիրել բարձրաստիճան պաշտոնատար անձանց հայտարարագրված ունեցվածքների հիմքերը և աղբյուրները, ինչն իրենց իրական ունեցվածքի չնչին մասն է կազմում։

     17. Հատուկ ուսումնասիրության առարկա դարձնել, թե ինչու Սերժ Սարգսյանը Տարոն Մարգարյանին Երևանը թալանելու և ապօրինի հարստանալու հնարավորություն է տվել։

     18. Բացահայտել նախկին գլխավոր դատախազ, նախկին ՀՔԾ ղեկավար Աղվան Հովսեփյանի կոռուպցիոն համակարգը և յուրացված գումարները։

     19. Հանքարդյունաբերության ոլորտի կոռուպցիայի մասին վարչապետ Նիկոլ Փաշինյանի կողմից արդեն բարձրացվել է։

     20. Բացահայտել ապրիլյան քառօրյա պատերազմի մասին տարածված լուրերի իրականությունը, մասնավորապես զենք զինամթերքի պակասի, վառելիքի անորակության ու բացակայության և վերջապես դավադիր պատերազմի հնարավորության մասին»: хорошие новости дня новости кавказа бесплатно



  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:

  • Կիսվեք Ձեր ընկերների հետ

  • Դիտումների քանակ այսօր: 235


    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    Breaking News
    FOCUS IP TV - LIVE
    ADVERTISING IN ARMENIA +37491 75 00 75 (Radio, television, internet, press, SMM, Outdoor ...) FOCUS MEDIA GROUP
    СЛУШАТЬ РАДИО գովազդ ռադիոկայաններում
    Armenia Today
    Սոցիալական ցանցեր
    • Facebook
    • Вконтакте
    • Twitter
    Artsakh Today
    СЛУШАТЬ РАДИО գովազդ ռադիոկայաններում
    Economy & Business
    Ժամանց
    բոլոր նորությունները →
    Օպերատիվ ամփոփագիր
    բոլոր նորությունները →
    v