Զարթոնք գյուղի բնակիչները փակել են Արմավիր-Երևան միջպետական ճանապարհը, բախումներն անխուսափելի են
- 12.04.2019, 14:17,
- Լրահոս
- 0
Զարթոնք գյուղի բնակիչները փակել են Արմավիր-Երևան միջպետական ճանապարհը, բախումներն անխուսափելի ենԱրմավիրի մարզի Զարթոնք գյուղի բնակիչները փակել են Արմավիր-Երևան միջպետական ճանապարհը՝պահանջելով համայնքի ղեկավար Պարույր Սարգսյանի հրաժարականը: Այս մասին Tert.am-ի հետ զրույցում տեղեկացրեց համայնքի բնակիչ Կարեն Ղազարյանը: Նա նշեց, որ գյուղում պայթունավտանգ իրավիճակ է ստեղծվել, բախումներն արդեն անխուսափելի են:
«Այսօր գյուղի դպրոցում ստուգումների ժամանակ ևս բախում է եղել, ամեն ինչ այն աստիճանի էր հասել, որ տուժածներ կան, շտապօգնություն էր եկել»,-ընդգծեց նա:
Համայնքի բնակիչի խոսքով՝ գյուղապետը 23 տարի թալանել է գյուղի միջոցները և օգտագործել անձնական նպատակների համար:
Ըստ նրա՝ ցույցի մասնակիցները գյուղապետի կողմից արված ապօրինությունների վերաբերյալ փաստեր ունեն:
«Մոտ 20 օր է մենք խնդիրը բարձրաձայնում ենք, ներկա պահին ահավոր վիճակ է, չգիտեմ՝ Մեծամորի խաչմերուկին ինչ է կատարվելու»,-ընդգծեց նա:
Հիշեցնենք, որ Զարթոնք գյուղի բնակիչները դիմել էին վարչապետի վերահսկողական ծառայություն՝ Դավիթ Սանասարյանին՝ խնդրելով, որպեսզի ստուգումներ իրականացվեն գյուղապետարանում:
хорошие новости дня новости кавказа бесплатно
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:
Կիսվեք Ձեր ընկերների հետ
Դիտումների քանակ այսօր: 296
