• 08:03 – Ալեն Սիմոնյանը շրջանառության մեջ է դրել 2 օրինագիծ, որոնցով կսահմանափակվեն բուքմեքերական գրասենյակների գործունեությունը ՀՀ տարածքում 
  • 17:38 – Վարչապետը ներկա է գտնվել «Հոլիդեյ Ինն Էքսպրես» հյուրանոցի բացման արարողությանը 
  • 17:38 – Վարչապետը ներկա է գտնվել «Հոլիդեյ Ինն Էքսպրես» հյուրանոցի բացման արարողությանը 
  • 20:44 – Հարցազրույց Ալեն Սիմոնյանի հետ | Անկախ հրապարակումների հարթակ 
  • 06:39 – Հայաստանը լքելու պահին հայտնաբերվել և ձերբակալվել է Բերդում մոր և որդու սպանության մեջ կասկածվող անձը 
  • 11:45 – Շաբաթվա թեժ շոփինգ․ Փետրվարի 16-23 

Սերգեյ Մինասյանի պատասխանը Էդմոն Մարուքյանին

Ռումինիայում ՀՀ դեսպան Սերգեյ Մինասյանը իր ֆեյսբուքյան էջում անդրադարձել է այսօր ԱԺ-ում դեսպանների նշանակման մասին ԼՀԿ պատգամավորների կողմից արտահայտած մտքերին.


«Դիմում եմ իմ հարգելի գործընկեր «Լուսավոր Հայաստան» կուսակցություն ղեկավար Էդմոն Մարուքյանին


Հարգելի Էդմոն,


Զարմանքով լսեցի «Լուսավոր Հայաստան» կուսակցության անդամ, մեր նախկինում գործընկեր Արման Բաբաջանյանի ս.թ. հունվարի 16-ին ՀՀ ԱԺ-ում ունեցած ելույթը, որն ի տարբերություն մամուլում պատվիրված անանուն հոդվածների և թշնամի երկրների քարոզչամեքենաների կողմից շրջանառվող լուրերի ՀՀ ԱԺ բարձր ամբիոնից հնչեցված մեղադրանք է, որը որևէ կերպ «քաղաքական հայտարարություն» հասկացողության հետ չի առնչվում:



Ելնելով իմ` ներկայումս դիվանագիտական ծառայության մեջ գտնվելու հանգամանքից, հարկ չեմ համարում այս պահին անդրադառնալ հնչեցված անհիմն մեղադրանքին, սակայն, օգտվելով առիթից, կոչ եմ անում համապատասխան կառույցներին լրջորեն ուսումնասիրել վերոհիշյալ հարցը, որ իր մեջ ներառում է կամ զրպարտանք կամ սպառնալիք ՀՀ ազգային շահերին և ազգային անվտանգությանը և ձեռնարկել համապատասխան միջոցներ:


Սակայն այս պահին ուզում եմ անդրադառնալ կատարվածի բարոյական կողմին` հավատացած լինելով, որ անգամ քաղաքական շահեր հետապնդելիս տարրական բարոյական սկզբունքներն անտեսել հնարավոր չէ:


Սիրելի Էդմոն,


Արման Բաբաջանյանի բարձրաձայնած հարցի առնչությամբ ուզում եմ հիշեցնել և ևս մեկ անգամ շնորհակալություն հայտնել քեզ, այդ համատեքստում, քո անձնական և այնժամանակվա «Ելք» խմբակցության որոշ անդամների ինձ ցուցաբերած բարոյական և ինչու չէ նաև քաղաքական աջակցություն համար:


Վստահ եմ նաև, որ հիշում ես Ռումինիա ժամանելուց առաջ ինձ ուղղված Ձեր շնորհավորանքներն ու բարեմաղթանքները, ինչպես նաև իմ նախաձեռնությամբ ՀՀ ԱԺ-ում ունեցած մեր քննարկումները` ձևավորելու միջազգային ստանդարտներին համահունչ համագործակցություն խորհրդարանական դիվանագիտության և խորհրդարանական վերահսկողության լույսի ներքո, նույն այն տրամաբանությամբ, ինչ այսօր քննարկում էիք ՀՀ ԱԺ-ում:


Հարգելի գործընկեր,


Բազմիցս անդրադարձել ենք ՀՀ ԱԳՆ համակարգում քաղաքական նշանակումների հարցին և, ինչպես դու արդարացիորեն նշում էիր մեր խոսակցությունների ընթացքում, իմ նշանակումը զուտ քաղաքական չէ. հակառակը, հանդիսանում է այնպիսի օրինակելի և միջազգային պրակտիկայում լայնորեն կիրառելի երևույթ, ինչպիսին փորձագիտական-վերլուծական և քաղաքացիական հասարակության ներկայացուցչի անցումն է դիվանագիտական ծառայության: Ի դեպ, ինչպես գիտենք, քաղաքական նշանակումների պրակտիկան չի ներառում ՀՀ օրենսդրության որևէ տարրի խախտում, ավելին, այս պրակտիկան ՀՀ ԱԳՆ համակարգում շարունակվում է:


Անհամեստ եմ համարում հիշեցնել մասնագիտական ձեռքբերումներս ու կենսագրությունս, որին քաջատեղյակ են այսօր ՀՀ ԱԺ-ում, ԱԳՆ-ում, ՊՆ-ում և այլ պետական կառույցներում, ինչպես նաև վերլուծական և քաղաքացիական հասարակության ոլորտում գործող իմ բազմաթիվ գործընկերներն ու ուսանողները:


Սիրելի Էդմոն,


Ավարտելով խոսքս` ուզում եմ նշել, որ լիովին կիսում եմ քո և բազմաթիվ նորընտիր պատգամավորների ցանկությունը` ներդնելու նոր մոտեցումներ հատկապես արտաքին, պաշտպանական և անվտանգային քաղաքականության ոլորտներում, որոնց իրականացումը պահանջում է ոչ թե անձնավորված և քաղաքականացված ոչ ազնիվ մեղադրանքներ, այլ լուրջ մասնագիտական քննարկումներ և պատասխանատու քաղաքական գործունեություն»:



скачать шаблон для dle скачать бесплатно фильмы


  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:
  • Կիսվեք Ձեր ընկերների հետ
  • Դիտումների քանակ այսոր: 39


    Ձեր Մեկնաբանությունը
    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    • Կարդում են
    • Այսօր
    • Թոփ 12
    СЛУШАТЬ РАДИО գովազդ ռադիոկայաններում
    Հայաստանը այսօր