Վարսակի փաթիլներով և կոկոսի քերուկով թխվածքաբլիթ

 

Բաղադրությունը`
70 գրամ ալյուր
60 գրամ կոկոսի քերուկ
75 գրամ վարսակի փաթիլներ
50 գրամ շաքարավազ
1 ճ/գ մեղր
1 թ/գ փխրեցուցիչ
6 ճ/գ ձեթ
2-4 ճ/գ տաք ջուր

Պատրաստման եղանակը`
1․Առանձին ամանի մեջ լցնել չոր բաղադրիչները՝ ալյուրը, վարսակի փաթիլները, կոկոսի քերուկը, շաքարավազը և փխրեցուցիչը։
2․Մեղրը և ձեթը խառնել իրար հետ և ավելացնել չոր բաղադրիչների վրա։ Բոլորը միասին խառնել, ավելացնել տաք ջուրը։
3․Ջեռոցի տապակի վրա յուղաթերթ փռել։ Գդալի օգնությամբ ձևավորել թխվածքաբլիթները և դնել յուղաթերթի վրա։ Ջեռոցը նախապես տաքացնել 200 աստիճան։ Եփել 15-20 րոպե։ Մատուցել թեյի կամ կաթի հետ։