Ծաղկակաղամբով ջեռեփուկ, որ բացի շատ համեղ լինելուց նաև վիտամինների հզոր աղբյուր է. հատկապես երեխաներին շատ է պետք

Համեղ, անուշաբույր և ախորժելի ուտեստներն ունեն մի շատ կարևոր առանձանհատկություն, ճաշի սեղանի շուրջ են հավաքում ընտանիքի անդամներին: Ծաղկակաղամբով այս ջեռեփուկը կդառնա ձեր ընտանեկան ճաշի սեղանի հաճախակի մատուցվող ուտեստներից մեկը:  Ներառեք ձեր ընտանիքի սննդացանկում անչափ օգտակար բանջարեղենով պատրաստվող այս ախորժելի ուտեստը

Բաղադրիչները

• Ծաղկակաղամբ- 1 փոքր գլուխ


• Լոլիկ- 2 հատ


• Ձու- 3 հատ


• Պանիր-50 գր.


• Կաթ- 6-8ճ/գ


• Սամիթ- մի քանի ճյուղ


• Բուսայուղ


• Աղ


• Պղպեղ

Պատրաստման եղանակը

• Առանձնացնել ծաղկակաղամբի գլխիկները և մի քանի րոպե խաշել աղաջրում:


• Լոլիկները մի քանի րոպեով թողնել եռման ջրում, ապա հեռացնել կեղևները  և կիսալուսնաձև կտրտել կամ առանձին կտրտած մի քանի րոպե բուսայուղի մեջ տապակել (ես վերջին ձևով եմ անում):


• Ձուն հարել, ավելացնել կաթը, աղ, պղպեղ, կտրտած սամիթ և քերած պանիր:


• Տապակը պատել բուսայուղով և մեջը շարել ծաղկակաղամբը, արանքներում լցնելով լոլիկը, վերջում վրան լցնել ձվի զանգվածը:


• Դնել ջեռոցը և թողնել այնքան, մինչև պանիրը հալվի և ձուն եփվի