رواية يوميات محمود وتقي الفصل الاول 1 بقلم كريمة حمادة

0 تعليق 0 ارسل طباعة

أعزائنا زوار اف ام نيوز نقدم لكم في هذا المقال رواية يوميات محمود وتقي الفصل الاول 1 بقلم كريمة حمادة حصريا علي موقعنا ونتمني منكم أن تستمتعوا بقراءة رواية اليوم وفي حال وجود أي شكوي لا تتردد في مراسلتنا


 رواية يوميات محمود وتقي الفصل الاول 1 

: اتفضلى يا آنسة يا ورقتك

_ ايه هتطلقنى؟

: اطلقك ايه يا آنسة، دى ورقة الامتحان

تقى ببلاهة: ها اه الامتحان صح، شكرا يسطا..ااقصد يا دكتور 

: انتى شاربة ايه يا بنتى على الصبح 

_ شاى بنعناع والله يا دكتور 

الدكتور بيأس: لا حول ولا قوه الا بالله اتفضلى حلى يلا 

تقى بصت للورقة وكانت مبلمة ومش عارفه حاجة: احيييه فين اللى ذاكرته فيييين

بسم الله نبدا الهبد بقى..oh my god امتحان مادة ولا الآخرة...هو الدكتور دا ليه بيبصلى كدا..بس حلو ومسمسم يا عسل...ياختى الوقت بيضيع وانا محلتش

: يا آنسة ياااا آنسة انتى 

_ ها ايه فى ايه 

: انتى اللى فى ايه، عمالة تلطمى ومرة تضحكى ومرة تعيطى هو الامتحان صعب للدرجة

تقى بصت للورقة وبعدين بصتله وقالت ببرود: هو نص الوقت عدى 

: اه

تقى قامت واديته الورقة ولبست نضارتها بغرور ومسكت شنطتها وطلعت برة قاعة الامتحان..

الدكتور بصدمة: مالها دى؟ والله شكلها مجنونة 

____________&

/ عملتى ايه يا آخرة صبرى 

تقى بغرور مصطنع: عيب عليكى يا به جبت الامتياز فى شوال 

/ تقى حبيبتى انتى مش فتحتى المادة اصلا غير فى المواصلات 

تقى: ايه دا بجد؟ احيييه لا احيه بجد...بس سيبك انتى عارفة مين كان واقف عليا النهاردة

/متقوليش لا..هو صح 

تقى بفرحة: ايييوة يا مروة وكان لابس زيى كنا عاملين ماتشينج رهيب، تفتكرى لاحظ دا 

مروة بضحك: ههههههههه تقى حبيبتى لو كنا فى السكشن كنت قولتلك يمكن لاحظ، إنما دا فاينال يعنى هيكون بيراقب اللجنة كلها 

تقى بيأس: يووووه يا خسارة

مروة: متزعليش أن شاءالله هيكون لاحظ، تيجى نجيب شاورما 

تقى: وبيبسى

مروة بابتسامة: وبيبسى يا ستى يلا 

_____________&

وبتمتحن تقى وكل يوم بنفس الحالة لغاية ما وصلت لاخر يوم ووقف عليها نفس الدكتور 

_ يارب منكونش شاربين شاى بنعناع المرادى

تقى اتكسفت وقالتله بإحراج: دكتور محمود انا اسفة اوى على اللى حصل المرة اللى فاتت حقيقى

محمود بابتسامة: منا عارفك مبتتهديش وقولت اكيد هتعملها مصيبة فى الامتحانات وجات فيا اهو 

تقى بخجل: اسفة اوى بجد

محمود: اتفضلى ورقتك اهو وركزى بقى 

تقى بتحل ومركزة مع الامتحان لغاية ما الوقت عدى وقبل ما تسلم ورقتها وقف جنبها محمود وقالها بهمس: على فكرة المرة اللى فاتت كنا عاملين ماتشينج صدفة والنهاردة لو تلاحظى برضو واهو صدفة تانية..بس أن شاءالله قريب مهتبقاش صدفة هيبقى تخطيط وخد ورقتها وغمزلها ومشى 

تقى كانت بصاله بصدمة وفاتحة بوقها وبترمش بعينها وهو ضحك عليها

طلعت برة اللجنة ونادت على مروة بصوت عالى وقالتلها: مروووة

مروة بخضة: يخرب عقلك خضتينى

تقى: عاااا الحقينى يا مروة الحقينى 

مروة: ايه فى ايه محلتيش حاجة

: لا 

_ نسيتى رقم جلوسك

: لا 

_ اومااال ايييه 

تقى سقفت بحماس وحكتلها اللى حصل 

مروة: دا بجد، يااااااه اخيرا يا فخرى 

تقى بفرحة: انا فرحانة اوى اوى بجد

مروة حضنتها وفضلوا يضحكوا واشتروا اكل وروحوا

__________________&

: اتمنى يكون الترم الاول عدى عليكم بخير وتركزوا الترم دا 

/ دكتور محمود بجد شرحك رهيب اوى بجد 

تقى: لا حول ولا قوه الا بالله

محمود بخبث: مالك يا آنسة تقى فى حاجة

تقى بغيظ: لا لا مفيش بحوقل بس يا ضاكتوور 

حمزة بابتسامة: اوكى ، يلا نبدأ

شرح محمود السكشن وتقى كل شوية تبص للبنت دى بغيظ ومش مركزة مع الشرح..لغاية ما خلص السكشن

تقى استنت أما كلهم يطلعوا وفضلت هى..قامت هاجمة على محمود وقالت بتريقة: شرحك رهيب اوى يا دكتور، وانت بتضحكلها يلا 

محمود ربع أيديه على صدره وقال بهدوء: تقى حبيبتى متخلنيش اندم انى اتجوزتك

تقى شهقت بدهشة: هيييييه تندم ؟ بتاخدنى لحم وترمينى عضم يا حودا

محمود بابتسامة: قلب محمود من جوة والله

تقى بكسوف: يوووه بطل تكسفنى

محمود: ما تيجى نروح نتغدى ونشرب شاى بنعناع

تقى: يالهوى شاى بنعناع يا محمود وفين على الملأ كدا هو 

محمود بضحك: هههههههه خلاص بقى متفكرنيش دانتى ساعتها كنتى ولا كأنك ضاربة كوكايين

تقى: بس شوفت جبتك اهو..اتخطبنا فى الإجازة وكتبنا الكتاب قبل بداية الترم اهو 

محمود: دانتى جبتينى على جدور رقبتى 

تقى بغرور مصطنع: أقل حاجة عندى يا حودا يا خويا 

محمود بغمزة: يا واثق انت 

وضحكوا هما الاتنين وطلعوا يتغدوا برة...

_______________&

"وتظن انك نجوت، فتهزمك واحدة هبلة زى تقى يا محمود فى الامتحان"

تمتلك مدونه دار الروايه المصريه مجموعة 

من أكبر الروايات المتنوعة الحصرية والمميزة

اكتب ف بحث جوجل دار الروايه المصريه

 واستمتع بقراء جميع الروايات الحصرية والمميزة

وفي نهاية قراءتك رواية يوميات محمود وتقي الفصل الاول 1 بقلم كريمة حمادة نتمني أن تكون قد استمتعت بهذا الجزء ونتمني أن تضيف أف ام نيوز للمفضلة وأن تزورنا مرة أخري

في نهاية رواية يوميات محمود وتقي الفصل الاول 1 بقلم كريمة حمادة نتمني لك عزيزي الزائر أن تكون قد استمتعت بهذا الجزء من الرواية الشيقة ونتمني أن تزورنا مرة أخري نحبك ❤️

إخترنا لك

أخبار ذات صلة

0 تعليق