نعت الفنانة ريهام حجاج، رحيل الفنان مصطفي دوريش عن عمر يناهز الـ 42 عاما، بعد تعرضه لتوقف في عضلة القلب بشكل مفاجئ، ليرحل عن عالمنا وهو الأمر الذي أحزن الكثيرون سواء كان من زملاؤه في الوسط الفني، أو من جمهوره ومتابعيه عبر السوشيال ميديا.

وكتبت الفنانة ريهام حجاج عن الفنان مصطفي درويش عبر صفحتها الرسمية على موقع التواصل الاجتماعي "فيسبوك" قائلًة: "مصطفي درويش من أكتر الناس إللي اتحاربت وياما اتكتب عليه واتقال كلام كتير يهدم اي حد، مصطفي درويش كتير أستكتروا عليه رزقه إللي ربنا كان باعتهوله و كعادة بعض الناس إللي شايفين إنهم لازم يقرروا مين يستحق الرزق و مين لاء شايلين من دماغهم إن ربنا بس إللي بيرزق".

وأضافت الفنانة ريهام حجاج قائلًة: "مصطفي اتكلم معايا في الموضوع دا لما قابلته مرة بعد دوره في بميت وش و كان حقيقي متأثر…،  يا ريت تفهموا إن ربنا دايما ليه حكمة في كل حاجة و أهو مصطفي ربنا أفتكره و هو لسة صغير…".

واختتمت الفنانة ريهام حجاج حديثها قائلًة": "يا ريت تبطلوا تجرحوا في الناس و هما و انتم لسه عايشين عشان مش حاتقدر تتحمل وقفتك أدام إللي حرجته و هو مختصمك أدام ربنا…مافيش حاجة في الدنيا مستاهلة".

أكثر من 30 عملا دراميا وسينمائيا

وحرص عدد كبير من نجوم ونجمات الفن على نعي الفنان الراحل مصطفى درويش، الذي غيبه الموت،اليوم الإثنين، بسبب توقف عضلة القلب بشكل مفاجئ وسط صدمة كبيرة من الجميع.

وبدأ مصطفي درويش مسيرته الفنية بالتمثيل من فيلم "كف القمر" عام 2011 بعد أن اكتشفه المخرج خالد يوسف، وجسد درويش أكثر من 30 عملا دراميا وسينمائيا.