• 15:25 – Էջմիածնում «Իմ քայլի» նախընտրական հանրահավաքին հաջորդեց քայլերթը, մասնակցում է նաև Ն. Փաշինյանը 
  • 16:29 – Եկել է ժամանակը, որ հայ ժողովուրդը ծնի իր նոբելյան մրցանակակիրներին. ՀՀ նախագահը՝ գիտնականներին 
  • 15:31 – Գազի գինը կարելի է 10%-ով նվազեցնել 
  • 11:11 – Բուհերում ուսման վարձի վճարումը կտարաժամկետվի։ 
  • 08:30 – Հայտնաբերվել է ավագ լեյտենանտի դի 
  • 22:16 – Լեբկուխեն 

Առաջին Smart այգին Երևանում


FMG.NEWS

Այսօր հիմք է դրվել Երևանում առաջին smart այգու ստեղծման աշխատանքներին։ «Էրեբունու թանգարանի հարևանությամբ գտնվող այգին առաջիկա ամիսներին կվերանորոգվի ու կվերածվի տեխնոլոգիապես հագեցած ժամանակակից այգու: Սա Բադալյանների ընտանիքի նվերն է մայրաքաղաքին` Երևանի ծննդյան 2800-ամյակի կապակցությամբ:

 


Մոտ 1 հա տարածքով այգին ամբողջությամբ կվերանորոգվի և կկանաչապատվի: Կտնկվեն շուրջ 40 տեսակի ծառեր։ Այգին կունենա ավելի քան 400քմ մակերեսով բնական լիճ և ջրավազաններ, ինչպես նաև հանգստի գոտիներ, ճեմուղիներ, ամֆիթատրոն, շախմատ, խաղահրապարակներ: Ճեմուղիները կձևավորվեն մոխրագույն և կարմիր բազալտով:


Այգու այցելուներն անմիջապես կզգան ժամանակակից տեխնոլոգիական առաջընթացի շունչը: Տարածքը լուսավորվելու է արևային էներգիայով աշխատող «խելացի» լամպերով, որոնք սենսորների միջոցով լուսավառվում են մարդկանց մոտենալուն պես և թուլացնում լույսը, երբ անցորդներ չկան: Այգում կլինի անվճար WiFi, իսկ հարևանությամբ կգործի ավտոկայանատեղի:


Երևանի քաղաքապետ Տարոն Մարգարյանը, Վահե և Վիգեն Բադալյանները տնկեցին այգու առաջին ծառերը՝ հիմք դնելով smart այգու վերանորոգման ու կանաչապատման աշխատանքներին։ Միջոցառմանը ներկա էին նաև փոխքաղաքապետ Կամո Արեյանը, Էրեբունի վարչական շրջանի ղեկավար Դավիթ Գրիգորյանը, «Էրեբունի» պատմահնագիտական արգելոց-թանգարանի տնօրեն Գագիկ Գյուրջյանը և այլ պաշտոնատար անձինք։


Քաղաքապետն ընդգծեց, որ սա ևս մեկ քայլ է՝ ուղղված կանաչապատ Երևանը վերականգնելու գործընթացին։ Նրա խոսքով՝ այս տարվա ծրագրում քաղաքում շուրջ 10 հա տարածք է նախատեսվում կանաչապատել․


«Այսօր էրեբունի վարչական շրջանում մեկնարկ ենք տալիս մի նոր այգու կառուցման, որը Բադալյանների ընտանիքը ցանկություն է հայտնել ամբողջությամբ հիմնել և հանձնել երևանցիներին: Համոզված եմ, որ Էրեբունու բնակիչների համար սա լինելու է շատ սիրված մի վայր և այս այգին անհրաժեշտ է լինելու ոչ միայն երևանցիների, այլ նաև մեր քաղաքի հյուրերի համար: Ուզում եմ ևս մեկ անգամ շնորհակալություն հայտնել Բադալյանների ընտանիքին այգու հիմնանորոգման համար»,-նշեց Տարոն Մարգարյանը:


«Բադալյան եղբայրներ» ընկերությունների խմբի նախագահ Վահե Բադալյանը մեզ հետ զրույցում պատմեց այգու առանձնահատկությունների մասին․


«Մեր երազանքն է եղել, այգի կառուցել ու նվիրել Երևանին և մեծ հաճույքով իրականացնում ենք այս նախագիծը։ Առանձնահատկությունն այն է, որ այգում չի լինելու որևէ կոմերցիոն կառույց, որևէ խանութ, սրճարան, ռեստորան, այսինքն՝ բիզնես շահ չի հետպնդելու։ Սա նոր այգի է իր տեսակով, ամբողջությամբ լուսավորվելու է արևային էներգիայով, խելացի լույսերը նաև կխնայեն էներգիան: Այգին անտառի մի կտոր է լինելու Երևանում՝ առավելագույնս մոտեցված լինելով բնությանը»:


Այգու մի հատվածում տեղադրվելու է 9 մետրանոց հուշակոթող՝ նվիրված Երևանի 2800 ամյակին: Հուշակոթողի երկու կողմերում հայերենով և ուրարտերենով ներկայացվելու է քաղաքի ստեղծման վերաբերյալ արձանագրություն:


Գործելու են հասարակական զուգարաններ՝ տղամարդկանց, կանանց և սահմանափակ կարողություններով մարդկանց համար:


«Էրեբունի» այգու վերակառուցման աշխատանքները կատարվում են «Վահագն Բադալյան» բարեգործական հիմնադրամի միջոցներով: Հիմնադրամը ստեղծվել է Ռոմիկ, Վահե և Վիգեն Բադալյանների կողմից՝ ընտանիքի կողմից պարբերաբար նախաձեռնվող բարեգործական ձեռնարկները կյանքի կոչելու համար:


Նշենք․ որ «Բադալյան եղբայրներ» ընկերությունների խմբի մեջ մտնում են Ֆասթ Կրեդիտ վարկային կազմակերպությունը, Կովկաս պանդոկը և Կովկաս հյուրանոցային և ռեստորանային համալիրը, Վիվառո և ԲեթԿոնստրակտ ընկերությունները:

скачать шаблон для dle скачать бесплатно фильмы
Աղբյուր: http://FMG.NEWS

  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:
  • Կիսվեք Ձեր ընկերների հետ
  • Դիտումների քանակ այսոր: 192


    Ձեր Մեկնաբանությունը
    иконка
    Կայքում հոդվածները մեկնաբանել կարելի է միայն հրապարակման օրից 14 օրերի ընթացքում.
    • Կարդում են
    • Այսօր
    • Թոփ 12
    СЛУШАТЬ РАДИО РЕКЛАМА НА РАДИО
    Հայաստանը այսօր