• 16:30 – Ովքե՞ր են ընտրելու «Ալյանս»-ին արտահերթ ընտրություններին 
  • 13:27 – ՌԴ նախագահի խորհրդականը կարծում է, որ չպետք է դոլար օգտագործվի ՀՀ-ի ու ՌԴ-ի միջև առևտրի համար 
  • 15:31 – Գազի գինը կարելի է 10%-ով նվազեցնել 
  • 11:11 – Բուհերում ուսման վարձի վճարումը կտարաժամկետվի։ 
  • 08:30 – Հայտնաբերվել է ավագ լեյտենանտի դի 
  • 15:53 – Շոկոլադե բիսկվիտ 

ԳԻՏԱԿԱՆ ՍԿԱՆԴԱԼ. ԵՐԵՔ ԳԻՏՆԱԿԱՆՆԵՐ ԽԱԲԵԼ ԵՆ ՀԵՂԻՆԱԿԱՎՈՐ ԱՄՍԱԳՐԵՐԻ


Տարվա գիտական սկանդալը. կեղծ հետազոտություններ՝ կեղծ գիտությունը բացահայտելու համար:


Արևմտյան գիտական աշխարհը ցնցված է նոր սկանդալից: Երեք հարգված գիտնականներ խոստովանել են, որ մեկ տարի շարունակ բարոյական նորմերին չհամապատասխանող փորձ են արել:


Նրանք միտումնավոր կերպով գրել են անհեթեթ գիտական հոդվածներ սոցիալական գիտությունների տարբեր ուղղությունների վերաբերյալ, որպեսզի ապացուցեն, որ այդ ոլորտում գաղափարախոսությունն ավելի մեծ ազդեցություն ունի, քան բանականությունը:


Աշխատանքները ներկայացվում էին կեղծ անունների տակ, և, ինչպես և հեղինակները ենթադրում էին, կեղծ գիտական հոդվածները բարեհաջող ստուգումներ էին անցնում և տպագրվում: Հոդվածներից մեկն, օրինակ, այն մասին է, որ այգիներում շների սեքսը պետք է համարել բռնաբարության մշակույթի մի մաս: Տվյալ հոդվածն անգամ մրցանակ է ստացել:


«Գիտությունը մեր առջև պայման է դնում, որ պետք է բացահայտել ճշմարտությունը, սակայն սոցիալական հետազոտությունների ոլորտում ճշմարտությունը ոչ մեկին դուր չի գալիս», – ասում են նրանք: Կարևորը բարոյական նորմերին համապատասխանելն է:


Այդ գիտնականները Ջեյմս Լինդսին, Հելեն Պլակռոուզը և Պիտեր Բոգոսյանն են:


Լինդսին մաթեմատիկական գիտությունների թեկնածու է, հայտնի սկեպտիկ, աթեիստ  և մի քանի սկանդալային գրքերի հեղինակ. «Բոլորը սխալվում են Աստծո հարցում» և «Կյանքը մահվաn լույսի տակ»:


Պլակռոուզը Վերածննդի դարաշրջանի կրոնական գրականության մասնագետ է: Իր լուրջ աշխատություններում նա ուսումնասիրում է, թե ինչպես էին 14-17-րդ դարերում կանայք օգտագործում կրոնական տեքստերը իրենց իրավունքները պաշտպանելու համար:


Բոգոսյանը, ով այս եռյակից ամենահայտնին է, Պորտլենդի համալսարանի դասախոս է: Նա փիլիսոփայական գիտությունների դոկտոր է, ով մասնագիտացել է դասավանդման փիլիսոփայության, կրիտիկական մտածելակերպի մասին հետազոտություններում: Նաև գիրքերի հեղինակ է:


Հանդիսանալով բարձրագույն կրթության համակարգի աշխատակիցներ և գիտական հանրության անդամ՝ նրանք պնդում են, որ սոցիալական գիտությունների որոշ ոլորտներում ամուր դիրք են բռնել գիտական աշխատանքներ, որոնց հիմքում ոչ այնքան ճշմարտության Որոնումներն են, այլ չարաշահումների և սոցիալական անարդարությունների մասին գիտական աշխատությունները:


Նման աշխատանքների հեղինակները հաճախ են ազդեցություն ունենում ուսանողների, ադմինիստրացիայի և այլ ֆակուլտետների աշխատակիցների վրա՝ ստիպելով իրենց տեսակետներին աջակցեն: Իսկ այդ տեսակետները միշտ չէ, որ գիտական հիմքեր են ունենում:


2017 թվական օգոստոսից այս եռյակը կեղծ անուններով ուղարկել է շուրջ 20 գիտական հոդվածներ վստահելի և հարգված գիտական ամսագրերի: Թեմաները տարբեր էին, սակայն բոլորը ուղղված էին սոցիալական անարդարությանը՝ ֆեմինիզմ, արական մշակույթ, ռասսայական պատկանելություն, սեռական կողմնորշում և այլն:


Յուրաքանչյուր հոդվածում ինչ-որ ծայրահեղական սկեպտիկ տեսություն էր ներկայացվում, որը քննադատում էր սոցիալական համակարգը:  Միևնույն ժամանակ աշխատանքները բացահայտ անհեթեթություն էին, քանի որ հեղինակները միտումնավոր են հումորով գրել, որպեսզի հետազոտության լրջության հանդեպ կասկածներ առաջանան:


Գիտական տեսանկյունից հետազոտությունները ոչ մի քննադատության չէին դիմանա: Առաջ քաշվող տեսությունները չէին հիմնավորվում թվերով, հաճախ հղումներ էին արվել գոյություն չունեցող հեղինակներին և այլն: Աշխատանքներից մեկում առաջարկում էին տղամարդկանց դաստիարակել այնպես, ինչպես շներին: Մյուսում ճարպակալման ամենաբարձր աստիճանը դիտարկվում էր որպես առողջ մարդու բանական ընտրություն:


20 աշխատանքներից առնվազն 7-ը տպագրվել էին: Օգոստոսին Wall Street Journal-ից լրագրող է զանգահարել այգիներում շների սեքսը բռնաբարության մշակույթի մի մաս համարելու մասին հոդված վերաբերյալ: Լինդսին անկեղծ պատասխանել է, որ սա գիտական փորձ է և խնդրել է, որպեսզի սպասեն, մինչ իրենք ծրագիրը արագացված կերպով ավարտին մոտեցնեն: Արդյունքում բացահայտման մասին հոդվածը տարածվեց միայն հոկտեմբերին:


Իրենց տեսահոլովակում եռյակը ասում է, որ իհարկե գենդերային, ռասայական, սեռական կողմնորոշման խնդիները պիտի ուսումնասիրվեն, բայց այստեղ խնդիրը ուսումնասիրության մեթոդի մեջ է, ոչ թե թեմայի: Նրանք համոզված են, որ իրենց գիտական կարիերան ձախողված է, սակայն այս փորձը համարում են հաջողված:


Գիտական ամսագրերը խոստացել են հեռացնել եռյակի գրած հոդվածները իրենց կայքերից, սակայն ոչինչ չեն ավելացրել, թե ինչու են այդ հոդվածները այդտեղ հայտնվել:


Տիգրանուհի Գրիգորյան 

скачать шаблон для dle скачать бесплатно фильмы
Աղբյուր: http://FMG.NEWS

  • Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել FMG NEWS-ի խմբագրության տեսակետների հետ:
  • Կիսվեք Ձեր ընկերների հետ
  • Դիտումների քանակ այսոր: 18


    Ձեր Մեկնաբանությունը
    • Կարդում են
    • Այսօր
    • Թոփ 12
    СЛУШАТЬ РАДИО գովազդ ռադիոկայաններում
    Հայաստանը այսօր